Hawick
Frae Wikipedia
Hawick (pronoonced "hoick" or - gey informally - "heick") is a toun in the unitry cooncil region o the Scots Borders in the sooth o Scotland. It's maist weel-kent for its annual Common Ridin that celebrates the youth frae the toun's victory ower an English raidin pairty in 1514 - weemin coudna ride in it til no ower lang syne. It's ane o the furthest touns frae the sea in Scotland an it's situatit in the hert o Teviotdale. Hawick's the biggest toun in the coonty o Roxburghshire an aw, an it's awfu weel kent for the makkin o quality knitweir. Mansfield Park, a rugby grund in Hawick, is the hame o Hawick RFC an aw.
Fowk frae Hawick caws themsels "Teri"s, efter yon tradeetional sang that haes the line "Teribus y Teriodin" in it - some fowk haes translatit it as meanin "laund o daith an laund o Odin". Mair recent, the meanin o "Teri" micht coud be described as bein somebody that's leeved in Hawick sae suin as they coud hae duin, sin aw the bairns o paurents frae Hawick frae July 1988 will hae been born in the Borders General Hospital in Melrose.
Hawick lees in the valley o the Teviot at the pynt that the River Slitrig gangs an jyns it. The A7 Edinburgh ti Cairlisle road gangs throwe the toun, wi main roads leadin ti Kelsae an Newcastle an aw. The toun lost its rail service in 1969 bit there's a raigular bus service ti the railwey station at Cairle, 50 mile awa. If ye wantit ti flee somewhaur the nearest places ti flee frae are at Edinburgh an Newcastle.
Rivalry atween the smaw Border touns is gey aften played oot on the rugby field but the aft-comical historical antagonism haes lessent in recent years as the economic fortunes o the region haes declined.
[edit] Ye can aye see tae
- Bill McLaren
- Hawick Rugby Football Club
- Hawick Waverley Football Club
