Sàtiru danzanti
Di Wikipedia, la nciclupidìa lìbbira.
Lu Sàtiru Danzanti è na statua di bronzu dû piriudu ellinìsticu, prubabbirmenti lu IV sèculu a.C., e jè attribbuiuta ô sculturi grecu Prassiteli. Rapprisenta nu sàtiru, dimoniu chi fa parti dû curteu orgiàsticu dû diu grecu Dionisu. È àutu quarchi 2,5 metri e jè uspitatu nnî l'omònimu museu di Mazzara, ntâ Sicilia uccidintali.
[cancia] Lu ritrovamentu
La storia dû ritrovamentu dâ statua accuminza ntô 1997, quannu lu pischirecciu "Capitan Ciccio", appartinenti â frotta marinara di Mazzara, pisca casuarmenti dû funnu dû Canali di Sicilia na gamma di bronzu. Ntâ notti ntra lu 4 e lu 5 di marzu dû 1998 lu stissu pischirecciu pisca â stissa banna, nta na prufunnità di 500 metri, la statua, ca jè purtroppu senza nu vrazzu, e la duna ô Museu Cìvicu cittadinu. Ntô sittèmmiru dû 1998 l'Istitutu Cintrali pû Ristàuru di Roma pigghia in cunsigna la statua e la gamma.
Di eccizziunali fattura, la statua appi nu successu granni quannu fu ammustrata â fini dû ristàuru, ntô 2003, â Camera dî diputati e, ntô 2005, quannu fu pristata all'espusizzioni ntirnazziunali di Aichi, ntô Giappuni. Ora jè misa ppi mustra nnâ l'ex Chiesa di S.Eggidiu, addivintata Museu dû Sàtiru.
[cancia] Pi sapìrinni cchiossai
| Scultura |  |
| Scultura cèlibbri (artisti) · Sculturi cèlibbri (òpiri) · Musei dû munnu | |
| Listi catigurizzati: Scultura · Scultura (artisti) · Sculturi (òpiri) · Muvimenti artìstici · Tècnichi di scultura |
