Littiratura 'n spagnolu di Guinìa Ecuaturiali
Di Wikipedia, la nciclupidìa lìbbira.
La Guinìa Ecuaturiali era la ùnica culonia spagnola chi s'attruvava nna l'Àfrica suttasahariana. Comu culonia spagnola dû 1778 ô 1968, cci spuntau na littiratura 'n spagnolu chi s'havi mantinutu finadora, rapprisintannu nu casu ùnicu ntra li paisi africani.
La littiratura africana pi spagnolu di Guinìa Ecuaturiali è rilativamenti scanusciuta, ô cuntrariu dî littiraturi africani d'àutri lingui comu lu ngrisi, lu francisi e lu portughisi. P'asempiu, di 30 antoluggìi di littiraturi spagnoli pubbricati tra lu 1979 e lu 1991, Mbaré Ngom, prufissuri di l'Universitati di Morgan State, nun ncuntrau nudda rifirenna ê scrittura ecuatuguiniani. Passu passu sta situazzioni si sta canciannu.
