Emìliu Lussu

Dae Wikipedia, s'entziclopedia lìbera.

(Armungia, 1890 - Roma, 1975). Polìticu e Iscritore.

[edit] Biografia

Laureadu in sa Facultade de Zurisprudèntzia de Casteddu, fiat a favore de sa gherra contra a s'Austria. Gasi chi dae istudente "interventista" partètzipat a sa Prima Gherra Mundiale, comente capitanu de fanteria in sa Brigada Tataresa.

A pustis de custa esperièntzia dramàtica, arribat a madurare unu pensamentu prus cumpridu contra a sa negatividade de sa gherra.

Torradu a Sardinna in su 1919, partetzipat a sa fundatzione de su Partidu Sardu de Atzione, chi pro issu est de ponner in relatzione cun s'esperièntzia de sa gherra e cun su sentimentu de solidariedade chi si fiat creadu intre sos sordados (cumpanzos) sardos chi aiant cumbàtidu in su fronte. A pustis, su Partidu Sardu de Atzione si configurat comente unu movimentu sotziale e polìticu de sos massajos e de sos pastores sardos.

Est elèghidu deputadu in su Parlamentu italianu in su 1921 e in su 1924. A pustis de su delitu de Matteotti, partetzipat a sa "setzessione aventiniana". Su 31 de santugaine de su 1926, cando su fassismu fiat imponende sa ditadura cun sas «leggi fascistissime», pro ischirriare sos partidos e sos sindacados de ispiratzione sotzialista e catòlica e pro abolire sa libertade de imprenta, Lussu fiat istadu assachiadu in domo sua in Casteddu, dae unu grustu de fassistas malintentzionados e pro si difender nd'ochiet unu. Arrestadu est assoltu pro lezìtima difesa, ma lu cundennant su matessi in base a sas lezes fassistas e cunfianadu in Lipari.

In su 1929, paris cun Carlo Rosselli est protagonista de una fua, resessit a evader e a arribare a Parizi. In ie, cun àteros antifassistas, creat su movimentu de "Giustizia e Libertà".

Sos avenimentos polìticos chi at bividu intre su 1919-1929 sunt s'argumentu de su libru Marcia su Roma e Dintorni, chi est una testimonia autobiogràfica.

In su 1936 est ricoveradu in un'ispidale de s'Isvìtzera, pro si fagher operare a sos prumones. Inoghe, sigomente deviat istare a reposu pro tempus meda, iscriet duas òperas de balore, sa Teoria de s'insurretzione chi est un'istùdiu subra de sas caraterìsticas de sa gherra partizana, e su libru suo prus connottuUn anno sull'altipiano chi est unu contu autobiogràficu subra de s'esperièntzia sua de un'annu in trintzea (dae su mese de làmpadas de su 1916 a su mese de Trìulas de su 1917) in sa "Gherra Manna" de su "15/18�".

A pustis de chimbe annos de esìliu, torrat a Italia in su mese de Austu de su 1943 e cumbatit in sa Resistèntzia. In su 1945, a pustis de sa fine de sa gherra, intrat comente ministru in sos guvernos Parri e De Gasperi, e deputadu in sa Costituente comente senadore de deretu. A pustis de sa fine de su Partidu de Atzione (1947), intrat in su Partidu Sotzialista ma, in su 1964, mustrat un'àtera bia su temperamentu rivolutzionàriu suo e partètzipat a sa costitutzione de su Partito Socialista di Unità Proletaria.

[edit] Fontes bibliogràficas:

" http://www.storiaXXIsecolo.it; " http://www.Società Aperta.it, testimoni del Novecento, LUSSU, Un anno sull'altipiano.; " http://www.NurOnLine.it, personaggi illustri, Emilio Lussu.htm " Emilio Lussu. htm

[edit] Unas cantas òperas:

Sul Partito d'azione e gli altri, Mursia, Milano, 1968. Il cinghiale del diavolo, Einaudi, Torino, 1976. La teoria dell'insurrezione, Jaka Book, Milanu, 1976. Diplomazia clandestina (ed. or. 1955) in Per l'Italia dall'esilio, a cura di M. Brigaglia, Edizioni della Torre, Cagliari, 1976. Marcia su Roma e dintorni, Einaudi, Torinu, 1994. Un anno sull'altipiano, Einaudi, Torinu, 1996. La catena, Baldini & Castoldi, Milanu, 1997.