Саха үҥкүүтэ, Сэмэн Данилов ырыата
Бикипиидийэ диэн сиртэн ылыллыбыт
Саха үҥкүүтэ - Саха суруйааччыта Сэмэн Данилов үйэлэргэ сүппэт ырыа буолбут хоһоонноруттан биирдэстэрэ. Музыкатын саха биллиилээх мелодиһа Аркадий Алексеев суруйбута.
- Үрүмэччи үөрүн курдук,
- Арыы-дьэҥкир халлаан курдук,
- Көөнньөрүүлээх кымыс курдук,
- Көнүл санаа кыымын курдук,
- Дьоллоох саха кыргыттары
- Чороон тутан таҕыстылар.
- Ойуу-дьарҕаа тирэҥсэлэр
- Оһуор үктээн киирдилэр,
- Нуоҕай лабаа илиилэр
- Дьол ырыатын тистилэр…
- Үөрэ сөхпүт санаабар
- Алаас тыала ил гынар.
- Чуумпу Лена долгунунуу,
- Туундура үрүн кубатыныы,
- Алаас хотун хатыҥыныы,
- Атан эрэр ньургуһунуу,
- Намыыннарын, наскылларын,
- Нарыннарын баҕастарын!
- Кэрэ бэлиэ кэпсээн курдук,
- Сэрэтиилээх сэһэн курдук,
- Ылбай чаҕаан ырыа курдук,
- Ыраас таптал кыымын курдук
- Саха намыын үнкүүтэ,
- Сахам сирин кэриэтэ!
