Noyau
From Wikipedia
|
Ch't' articl'ye fut c'menchie en Jèrriais
 |
Lé noyau est eune bouaisson traditionnelle en Jèrri.
- un quart'ron d'fielles dé pêchyi
- eune d'mié-pinte dg'ieau bouoillante
- un pot d'blianche ieau-d'vie
- trais livres d'blianc chucre (en pain)
Faut tchilyi les fielles dé pêchyi contre la fîn d'Septembre ou au c'menchement d'Octobre - pas trop fraîches mais justément d'vant tch'i' né c'menchent à jaûni.
Nou vèrse l'ieau bouoillante dessus, pis nou couvre l'pot atout eune assiette.
Auprès vîngt-quatre heuthes nou pâsse lé litchide dans eune mousselinne. Nou fait un sitho atout les trais livres d'chucre et deux d'gouts dg'ieau et nou mêle chenna auve lé litchide des fielles et ieau-d'vie. Nou peut y'ajouôter deux-trais d'gouts d'essence d'almande ou, comme lé temps pâssé, tchiques nouais d'rotchettes dé pêche.
Au lyi d'fielles dé pêchyi l's iuns font sèrvi des fielles d'apricotchi.
[amendaer] Viyiz étout
- Pitchette
