Laon

Frå Wikipedia – det frie oppslagsverket

Laon

Den øvre delen av Laon

Byvåpenet til Laon

Styresmakter

Land
Region
Departement

Frankrike
Picardie
Aisne

Geografi

Flatevidd
- By

42,00 km²

Innbyggjarar
- By (1999)
- folketettleik

26 265
625/km²

Koordinatar

49°33′50″N 03°37′28″EKoordinatar: 49°33′50″N 03°37′28″E

Høgd over havet

83 m

Tidssone

CET (UTC+1)

Diverse annan informasjon

Heimeside: www.ville-laon.fr

Laon er ein by og kommune i Frankrike, og préfecture (administrasjonsstad) i departementet Aisne. Byen har om lag 25 000 innbyggjarar.

[endre] Historie

Det åslendte området rundt Laon har alltid vore strategisk viktig. Rundt tida til Julius Cæsar låg det ein gallisk landsby her. Romarane erobra staden, bygde festningsverk, og klarte å motstå invasjonar frå frankarar, burgundarar, vandalar, alanarar og hunnarar. På denne tida vart han kalla Alaudanum eller Lugdunum Clavatum.

Byen vart eit bispedøme på 400-talet, oppretta av den innfødde St. Remigius, erkebiskopen som døypte Klodvig I.

Tidleg på 1100-talet, då biskopen var på reise, prøvde innbyggjarane i byen og få kommunestatus, men biskopen kjøpte ei oppheving av dette av den franske kongen. Dette førte til opprør i byen, der bispepalasset vart sett i brann og biskopen og fleire av mennene hans vart drepen. Brann spreidde seg til domkyrkja som brann heilt ned.

Notre-Dame de Laon.

Kongen greip inn for biskopen fram til 1239. Fram til 1331 var byen meir eller mindre fri, før kommunestatusen igjen vart avskaffa. Under Hundreårskrigen vart byen erobra av burgundarane, som gav han opp til engelskmenna, før han vart teke tilbake av Frankrike etter Karl VII kom til makta.

Under felttoget i 1814 prøvde Napoleon forgjeves å drive bort von Blücher frå byen under slaget ved Laon.

I 1870 sprengde ein ingeniør opp eit kruttlager ved festningen i det tyske troppar gjekk inn i byen. Mange liv gjekk tapt, og katedrale og det gamle bispepalasset vart øydelagd. Under den franske revolusjonen mista Laon statusen som bispedøme.