Aksel Lund Svindal

Frå Wikipedia – det frie oppslagsverket

Aksel Lund Svindal (fødd 26. desember 1982 på Kjeller) er ein norsk alpinist.

Han slo i gjennom i 2003, då han mellom anna vann to NM-gull. Han deltok i VM i St. Moritz, og oppnådde ein 5. plass i storslalåm som det beste resultat sitt. Dette året fekk han òg den første pallplasseringa si i eit verdscuprenn, med 2. plass i kombinasjonen i Kitzbühl.

I VM i Bormio i Italia i 2005 deltok han i alle dei fem øvingane. Med sølv i kombinasjonen vart han den einaste nordmannen som tok medalje i meisterskapen.

27. november 2005 tok han den første verdscupsigeren sin i super-G i Lake Louise.

Han vann den totale verdscupen i sesongen 2006/2007 etter ein spennande duell mot Benjamin Raich, avgjort på siste dagen i sesongen. Etter sesongen vart han tildelt Sportsjournalistenes statuett som «Årets idrettsnavn» i Noreg^[1] og Aftenpostens Gullmedalje for årets idrettsbragd^[2].

Den 27. november 2007 fall han stygt under utfortrening i Beever Creek i Colorado i USA. Svindal brekte nasen og fekk kutt i ansiktet og skade i setemuskulaturen. Han vart operert på sjukehuset i Vail straks etter fallet. Det er uvisst kor lengje Svindal må halde seg borte frå trening og konkurransar^[3].

På Idrettsgallaen 2008 5. januar fekk han prisane «Årets mannlige Idrettsutøver 2007» og «Utøvernes pris».

Innhaldsliste 1 Merittar 1.1 VM 1.2 Verdscup 1.3 NM 2 Tilvisingar

[endre] Merittar

[endre] VM

I VM i Bormio i Italia i 2005 deltok han i alle dei fem øvingane. Som einaste nordmann tok han medalje i meisterskapen, med sølv i kombinasjonen. I VM i Åre 2007 vart han historisk ved å bli første norske verdsmeister i utfor.

• 2007 Åre: Gull i storslalåm
• 2007 Åre: Gull i utfor
• 2005 Bormio: Sølv i kombinasjonen

[endre] Verdscup

Aksel Lund Svindal vann den totale verdscupen i alpint 2006/2007. Han vann òg storslalåm- og kombinasjoncupane denne sesongen.

I sesongen 2005/2006 vann han Super-G-cupen, med berre to poeng meir enn Hermann Maier. Same året vart han nr. 2 samanlagt i den totale verdscupen. Pr. 25. november 2007 har han ni sigrar i verdscuprenn:

Dato	Stad	Land	Disiplin
27. november 2005	Lake Louise	Canada	Super-G
15. mars 2006	Åre	Sverige	Utfor
30. november 2006	Beaver Creek	USA	Superkombinasjon
21. desember 2006	Hinterstoder	Austerrike	Storslalåm
14. mars 2007	Lenzerheide	Sveits	Utfor
15. mars 2007	Lenzerheide	Sveits	Super-G
17. mars 2007	Lenzerheide	Sveits	Storslalåm
28. oktober 2007	Sölden	Austerrike	Storslalåm
25. november 2007	Lake Louise	Canada	Super-G

[endre] NM

Dei to første NM-gulla sine tok han i 2003. I 2006 vart han første nordmann med gull i alle disiplinane i eit NM.

• 2003: Gull i slalåm, gull i storslalåm
• 2004: Gull i slalåm, gull i super-G, sølv i storslalåm
• 2005: Gull i storslalåm, bronse i slalåm
• 2006: Gull i utfor, gull i super-G, gull i storslalåm, gull i slalåm, gull i kombinasjonen.

[endre] Tilvisingar

Wikifrasar på bokmål har ei samling med sitat som gjeld Aksel Lund Svindal.