Phrygsche Spraak
Vun Wikipedia
Phrygisch is ene utstorvene Spraak vun de Phrygers. Se höör to de indogermaanschen Spraken un is in Lüttasien (Phrygien) spraken worrn. Binnen de indogermaanschen Spraken warrt dat Phrygische as en egen Twieg ansehn, de ans mit kene bekannte Spraak neger verwandt is.
Bekannt is dat Phrygische ut mehr as 250 korte (de längste 285 Teken lang) ooltphrygische Inschriften ut dat 8. bet 4. Johrhunnert v. Chr., de in ene egene Schrift schreven worrn sünd. Disse Schrift is wohrschienlich in dat 8. Johrhunnert v. Chr. vun en westgreeksch Alphabet utlehnt worrn un harr en poor tosätzliche Teken. Funnen hebbt se de Inschriften vör allen in de Stadt Gordion. Ut de Tiet vun dat 1. bet 4. Johrhunnert n. Chr. sünd noch bi 110 neephrygische Inschriften in greeksche Schrift bekannt. In dat 5. Johrhunnert is dat Phrygische noch as Volksspraak bruukt worrn, denn aver bilütten utstorven. In dat 7. Johrhunnert geev dat disse Spraak nich mehr.
