Heinz Starke

Vun Wikipedia

Heinz Starke (* 27. Februar 1911 in Schweidnitz / Schlesien; † 31. Januar 2001 in Bonn) weer en düütsch Politiker vun de FDP un laterhenn vun de CSU. Van 1961 bit 1962 weer he Bundsminister för Finanzen.

Inholtsverteken 1 Utbilden un Berop 2 Partei 3 Afordneter 4 Apenlich Ämter

[ännern] Utbilden un Berop

Nah sien Abitur 1931 hett Starke en Juristeree-Studium afsolveert, dat he 1935 mit dat eerste un 1940 mit dat tweete juristische Staatsexamen afslooten hett. 1935 hett he sein Doktertitel vun de Universität Jena kregen. Van 1940 bit 1945 weer he Suldat in den Tweeten Weltkrieg.

Nah Kriegsennen weer he van 1946 bit 1949 bi de Wertschapsverwalten vun de britsche Besatzungszoon un bi de Verwalten för Wertschap in Minden, Frankfort an Main un in Bonn tätig. Van 1948 bit 1949 weer he hier Grundsatzreferent för wertschaftspolitisch Fragen bi Ludwig Erhard.

Van 1950 bit 1961 weer Starke Hööftgeschäftsföhrer bi de Industrie- un Hannelskammer Böverfranken in Bayreuth.

[ännern] Partei

Van 1953 bit 1970 weer he Lidmaat vun de FDP. Van 1962 bit 1970 weer he Lidmaat in de FDP-Bundsvöstand un van 1964 bit 1970 ok in de FDP-Landsvörstand in Bayern. An’ 9. Oktober 1970 hett he de FDP verlaten un is nah de CSU röverwesselt.

[ännern] Afordneter

Van 1953 bit 1980 weer Starke Lidmaat vun den Düütschen Bundsdag. Hier weer he van 1965 bit to’n 17. Januar 1967 stellvertredend Vörsitter vun de FDP-Bundsdagsfraktschoon. An 9. Oktober 1970 is he ut Protest tegen de Politik vun de sozialliberale Koalitschon to de CDU/CSU-Bundestagsfraktschoon över.

[ännern] Apenlich Ämter

Nah der Bundsdagswahl 1961 wurr he an 14. November 1961 Bundsminister för Finanzen. Nah de Spiegel-Affäre is he an 19. November 1962 tosommen mit de anner FDP-Ministers torüchtreden.