Flensborg
Vun Wikipedia
Flensborg (dänsch Flensborg, hoochdüütsch Flensburg, noordfreesch Flansborj) is een Stadt in Sleswig-Holsteen, un twors heel in den Norden blangen de däänsche Grenz. De Stadt heurt sülvig nich to een Landkreis. Un se is de drütt gröttste Stadt vun Sleswig-Holsteen.
Flensborg liggt ca. 68 km Nord vun Kiel un 92 km in`n Söden vun Odense. 1950 harr Flensborg 100.000 Inwahners un weer Grootstadt, denn is de Stadt obers wedder lütter woorn. Nu sünd dat bi 85.000 Lü, de in Flensborg wahnt.
Spraaken sün Plattdüütsch in de nordneddersasisch Dialekt, Hoochdüütsch un Däänsch. Flensborg hett ook een däänschet Gymnasium, de Duborg-Skolen. Flensborg weer Johrhunnerte in Däänmark.
Beröhmt is Flensborg för dat Flens, dat is dat Flensborger Beer, wat sünnerlich dör den Werner-Comic kennt is. Ook in Flensborg ward Moinmoin seggt. Flensborg is ook beröhmt för den Rum, dat is een Arvstück ut de dänsche Historie. 1962 hett Beate Uhse in Flensborg den eersten Sex-Shop op de Welt apenmaakt. Un dor sitt ook dat Kraftfahrtbundesamt, wat de Punktens opschriewt, wenn een mit dat Auto to gau is. Bi Flensborg is de Gemeente Handewitt, de een beröhmte Handballvereen hett.
De Volksschauspelersche Erna Raupach-Petersen keem van hier.
