Aurora (Süüdafrika)
Vun Wikipedia
Aurora is en Dörp in de Gemeend Bergrivier, Distrikt Westküst, Provinz Westkap in Süüdafrika. De Oort liggt üm un bi 150 Kilometer noorden Kapstadt op’t Sandveld.
Utgangspunkt för Aurora weer de Kark op de Farm Rietvlei, de se 1866 hier för de Lüüd ut de Ümgegend boot hebbt. Se höör eerst to de Karkengemeend vun Piketberg. Vun 1906 af an weer Aurora aver en egenstännige Karkengemeend. De Gemeend hett sik 1908 en nee Kark boot.
De eerste Preester vun de nee Kark weer Reverend C. R. Ferreira, de vördem as Buur op Ceylon Kriegsfangener weer. Siene Dochter nööm he dorvunwegen Ceylonia Aurora (Aurora vun latiensch för Morgenrööd), vun ehr hett de Oort sien Naam weg kregen.
Bi Aurora liggt dat ene vun twee letzte Rebeden, in de de rore Busch Freylinia visseri noch vörkaamt. 1954 weer de Busch hier man meist utstarven, harr Floors Visser nich en poor Planten reddt un in sien Goorn anplant, nadem en Naver de Büsch ünnerplöögt harr.
Koordinaten:32° 42′ S, 18° 28′ O
