Чарли Чаплин

Од Википедија, слободна енциклопедија

Оскари
Чарлс Чаплин
Чарли Чаплин како „Скитникот“
Родено име	Чарлс Спенсер Чаплин Џуниор
Роден(а)	16 април 1889 Волворт, Лондон, Англија
Починал(а)	25 декември 1977 (возраст 88) Веви, Швајцарија
Брачни партнери	Милдред Харис (1918-1920) Лита Греј (1924-1928) Полет Годард (1936-1942) Оона Чаплин (1943-1977)
Важни улоги	Скитникот (1914-1936} Господин Верду во Господин Верду (1947)

Најдобар актер Номиниран: 1928 Циркус 1940 Големиот диктатор Почесна награда 1929 Циркус Почесна награда (1972) Најдобра филмска музика 1972 Центар на внимание

Чарлс Спенсер Чаплин (16 април 1889 - 25 декември 1977), попознат како Чарли Чаплин бил англиски комичар, кој останува запамтен како еден од најпознатите изведувачи во раните и средни години од Холивудската ера, а исто така и неговата работа како режисер не останала незабележана. Се смета дека е еден од најдобрите мимичари во историјата, како и еден од најгенијалните актери-кловнови. Поради ова има огромно влијание врз изведувачите од овие две полиња.

Чаплин е еден од најкреативните и највлијателните личности од ерата на немиот филм. Тој во своите филмови глуми, режира, продуцира, пишува текстови и музика. Неговата кариера се простира во период од преку седумдесет години, започнувајќи уште од најмала возраст како дете на Британската Викторијанска сцена и музичка сала, па речиси до самиот крај на неговиот живот (умира на 88-годишна возраст). На крајот останува запаметен како една од најголемите културни икони на 20 век. Истовремено, прогласен е и за десеттата најголема ѕвезда во филмската историја. Многумина велат дека всушност тој е најзначајната личност на дваесеттиот век. Еден од нив е и нашиот музичар Ристо Вртев.