Општина Зрновци
Од Википедија, слободна енциклопедија
Општина Зрновци е општина во Источна Македонија. Центар на општината е селото Зрновци.
| Општина во Република Македонија | |
|---|---|
| Карта | |
|
|
|
| Знаме | Грб |
|
|
|
| Име: | Зрновци |
| Седиште: | Село Зрновци |
| Површина: | 55,82 km² |
| Население: | 3264 |
| Густина: | 58,47 жители на km² |
| Број на населени места: | 3 |
| Населени места: | Селата: Видовиште, Зрновци и Мородвис |
| Адреса на седиште: | Илинденска б.б. 2305 Зрновци |
| Телефон: | 033 353-220 |
| Факс: | 033 353-102 |
| Веб страница: | [1] |
| Е-Пошта: | Info@Zrnovci.Gov.Mk |
| Претставници | |
| Градоначалник | Благој Николов |
| Претседавач | - |
| Членови на совет | 9 |
Содржина |
[уреди] Географиja
Зрновци се наоѓа на :
8 km оддалеченост од најблиската железничка пруга во Кочани;
134 km оддалеченост од главниот град Скопје;
118 km оддалеченост од аеродромот Петровец кај Скопје;
60 km оддалеченост од граничниот премин кон Бугарија кај Делчево;
184 km оддалеченост од граничниот премин кон Грција кај Богородица.
Општина Зрновци се наоѓа во источниот дел на Македонија, на трансверзалата која го поврзува Скопје - Велес - Штип - Кочани - Делчево со Р. Бугарија. Оддалечена е околу 8 км. од Кочани. Сместена е во падините на Плачковица, те. во зоната на српско- македонскиот масив, или старите Родопски планини. Трите населени места ( Зрновци, Видовиште и Мородвис ) се широко отворени кон р. Брегалница и Кочанското поле.Вкупната површина на општина Зрновци изнесува 51.764.076 м2. По населени места таа изнесува:
Зрновци......................................28.482.894 м2
Мородвис...................................14.521.860 м2
Видовиште................................. 8.759.322 м2
Најголемото населено место Зрновци, се наоѓа во источниот дел на Македонија на 8 км јужно од Кочани, сместено во Кочанската котлина, поточно во подножјето на Плачковица на површина од 2.848 ha. Од вкупната површина на Зрновци 57% се шуми, а 32% претставува обработливо земјиште.Најголемиот дел од обработливото земјиште претставуваат оризови полиња (вкупното годишно производство на оризова арпа изнесува во просек околу 800т од кои 480т отпаѓаат на општествениот сектор ).
Низ Зрновци минува Зрновска река која претставува една од побогатите со вода притоки на Брегалница. На реката Зрновка има изградено хидроцентрала што во голема мера го изменила природниот водотек на реката и животните услови во неа. Сливното подрачје на Зрновска река изнесува 38км2, а должината 24 км.
[уреди] Историja
[уреди] Економија
[уреди] Демографија
[уреди] Општествени институции
[уреди] Администрација и политика
[уреди] Културни и природни знаменитости
Порано центри на културните збиднувања во селата беа домовите на културата каде се одвиваа сите приредби, гостувања на естрадни уметници, кино престави и сл.Постоеја фолклорна играорна група, женски пеачки хор и постојани кино престави кои во многу го богатеа културниот живот во општината.
Во последно време културно-забавниот живот на луѓето е на многу ниско ниво. Истите презафатени во борбата за сопствена егзистенција како да немаат време за духовното, за убавата музика, за пишаниот збор. Истото се однесува и за младите кои се помалку се ангажираат во школските секции а младинскиот културен живот е скоро потполно замрен. Ги нема некогашните матинеа и игранки, богато посетените кино престави и празнични приредби.Сега се се сведува на посета на неколкуте кафичи кои ги има во општината.Секако дека за ваквата состојба е виновна и општата економска криза во земјата но сепак останува потребата нешто повеќе да се стори на ова поле во иднина.
Инаку што се однесува до културните домови, нив ги има и во трите села, додека културниот дом во Зрновци е комплетно опремен за изведување на кино престави, театарски претстави и други манифестации. Во Зрновци постои и друг јавен објект, тоа е Соколаната која е реновирана од страна на општината, но сега за сега не се употребува за никакви културни активности.
На територијата на општината постојат следните манастири: Св. Недела во Зрновци, Св. Спас и Св. Петка во Видовиште, и Св. Симеон во Мородвис.
Во Зрновци опстојува црквата Св. Димитрија.
Споменици на паднатите борци има по еден во Зрновци и Видовиште.
Во селото Мородвис се наоѓа археолошко наоѓалиште " Црквиште " откриено во 1980 год. Станува збор за средновековен град Моробиздон кој еден милениум бил културен, економски, црковен и политички центар на источна Македонија.
Моментално истражувањата се концентрирани во црковноепископскиот комплекс. Досега се откриени црква од Самоилово време, над 350 средновековни гроба, и мноштво на накит, керамика и други материјали. Сочувани се четири цркви од кои најстарата е од пети век, а најмладата е од 13 век. Богати биле декорирани со фрески и мозаици.
Во наредниот период се планира да се доистражи комплексот, да се конзервира и да се презентира пред пошироката домашна и светска јавност.
Ингеренциите за чување, одржување и презентирање паѓаат на одделението за заштита на спомениците на културата од Кочани.
[уреди] Редовни настани
[уреди] Личности
[уреди] Култура и спорт
На полето на спортот делува ФК Зрновка од Зрновци кој се натпреварува во меѓуопштинската лига и има свој стадион со фудбалско игралиште и соблекувална.Во рамките на овој клуб работи и фудбалскиот подмладок. Некогашниот одбојкарски клуб кој постигнуваше одлични резултати во меѓурегионалната лига сега веќе не постои. Во деновите кога се државните празници како и за време на патрониот празник на училиштето "Тодор Арсов" во школското игралиште се организираат спортски натпревари и турнири.
[уреди] Иселеништво
[уреди] Надворешни врски
|
||||||||||
