Елшани
Од Википедија, слободна енциклопедија
Елшани е село во Општина Охрид.
| Села во Република Македонија | |
|---|---|
  Елшани
Елшани (Република Македонија)
|
|
| Општина: | Општина Охрид |
| Население: | |
| Поштенски број: | |
| Повикувачки број: | |
| Надморска височина: | |
| Географска широчина: | 41° 1' 31" сев. ш. |
| Географска должина: | 20° 48' 48" ист. д. |
| Веб-место: | www.elshani.freeservers.com |
Содржина |
[уреди] Географиja и местоположба
Елшани се наоѓа на 10 км јужно од градот Охрид. Основниот дел од селото е сместен на 850 - 950 метри надморска височина, на неколку стотици метри од Пештани и од брегот на Охридското езеро. Новата придружна населба Елешец започнува на езерскиот брег, на 700 м.н.в.
[уреди] Историja
- ран 13-ти век: се среќава првата писмена трага за Елшани
- 1395: Елшани паѓа под власт на Османлиите
- 1408: изградена (обновена) е црквата "Св. Илија"
- Kраj на XIX век: Елшани има 240 жители
- 1903: во Илинденското востание жителите на Елшани учествуваат со своја чета, при што се дадени и жртви во човечки животи; во борбите посебно се истакнал војводата Никола Митрев - Езерски
- 1912: крај на османлиската власт во Македонија; во текот на Првата балканска војна Елшани е окупирано од Србите кои вршат воена мобилизација на машкото население - 13 души се убиени на военото поле
- 1915: селото е под бугарската воена окупација во текот на Првата светска војна
- 1918: Елшани под власт на новото Кралство на Србите, Хрватите и Словенците (подоцна преименувано во Кралство Југославија)
- 1941: италијанска фашистичка окупација
- 1943: бугарска окупација; многумина елшанци се приклучуваат на НОАВ, од кои седуммина се убиени во борба
- 1944: крај на туѓата власт и сега Елшани е во (Социјалистичка) Република Македонија, која во тоа време е една од шестте републики на Социјалистичка Федеративна Република Југославија; селото го постигнува најголемиот напредок во својата повеќевековна историја, кога за прв пат се изградени патишта, водовод, електрична и телефонска мрежа
- 1991: Елшани ја дочекува независността на Република Македонија, како едно од најзачуваните села, со сите неопходни услови за опстанок и можности за понатамошен развој
[уреди] Економија
Повеќето од жителите на Елшани се вработени во хотелите на езерскиот брег или во охридските претпријатија. Многумина развиваат самостојна стопанска дејност во градот или во селото. Сепак, многу од традиционалните селски занимања се зачувани: секое семејство има свое лозје и градина, се одгледуваат животни, а задржано е и традиционалното производство на вино и ракија.
[уреди] Демографија
Елшани има 680 жители кои во селото живеат преку целата година. Во летните денови околу 400 други луѓе престојуваат како повремени жители во нивните привремени домови подигнати во близина на езерото во населбата Елешец.
Сите жители на Елшани по потекло се Македонци и македонскиот е нивниот мајчин јазик.
[уреди] Општествени институции
Во селото постои 4-годишно основно училиште, кое работи во рамките на училиштето „Св. Наум Охридски“ од Пештани.
[уреди] Администрација и политика
Елшани претставува засебна Месна заедница, во чиј состав влегува и населбата Елешец.
[уреди] Културни и природни знаменитости
Со векови, православното христијанство е традиционалната религија, а датирањето на најстарата црква оди дури во 1408 година. Во селото постојат два храма: Соборната црква "Св. Илија" (обновена во 1859; насликана во1944) и "Св. Мина" (изградена во 1994). Капелната црква "Св. Петка" од 1947 ја употребуваат жителите на Елшани и Пештани.
На 6 јули 2007 година во Елшани своја галерија отвори македонскиот фотограф [Атанас Талевски]].
Елшани е опкружено со територијата на Националниот парк „Галичица“, а во непосредна близина е Охридското Езеро.
[уреди] Редовни настани
[уреди] Личности
- Никола Митрев - Езерски (1864 - 1904) - борец
- Климе Стојоски (1922 - 1945) - борец
- Климе Кордоски (1913 - 1944) - борец
- Крсте Стевоски (1924 - 1944) - борец
- Насте Сотироски (1922 - 1945) - борец
- Никола Кордоски (1925 - 1943) - борец
- Ристо Рубаноски (1921 - 1944) - борец
- Никола Николоски (1922 - 1953) - борец
[уреди] Култура и спорт
[уреди] Иселеништво
[уреди] Туризам во Елшани
Како да се пристигне во Елшани?
Со редовен автобуски сообраќај Елшани е поврзано со градот Охрид (10 км), 5 - 7 пати преку целиот ден. Почести се врските меѓу Охрид и Пештани при што автобусите секогаш застануваат и во близина на селото Елшани, кај авто кампот во Елешец.
Каде да се престојува во Елшани?
Сместување може да се најде во 30 семејни куќи со приближен вкупен капацитет од 200 легла, во текот на целата година и со различна местоположба, покрај Охридското езеро или повисоко во планината Галичица. Покрај езерото е сместен и авто кампот Елешец, кој е добро организиран, но работи само во летно време. Во селото има неколку продавници кои обезбедуваат храна, пијалоци и други работи, потребни за пријатен престој помеѓу зелените височини на планината Галичица и сините води на Охридското езеро.
Што да се прави во Елшани?
Елшани е извонредна почетна точка за планински прошетки или искачување по карпи во Националниот парк Галичица. Од друга страна, разгранетата мрежа од патеки, тесни селски улици и локални неоптоварени патишта се идеални за пешачење, трчање или велосипедизам, за луѓе од сите возрасти и степени на подготвеност.
