Ushuaia (Argentinn-a)
Da Wikipedia
Ushuaia (pronûnçia: Ussuàia), a l'è 'na çittæ da Patagonia argentinn-a, capolêugo da provinsa de Tierra del Fuego (Tæra do Fêugo).
A l'è a çittæ ciû oustrâ do mondo, a 54°48´57″S, 68°19´04″O.
A s'attrêuva inta costa sûd de l'ìsöa de Tierra del Fuego inte 'n gran gorfo, co-i monti Martial a nòrd e o Canâle de Beagle a sûd.
Ushuaia a sta a 3.260 km. da capitâ naçionâ (Buenos Aires), e a 1.000 km. da l'Antartide, essendo o sêu pòrto o ciû vexin a o continente gianco.
A g'ha 'na popolassion de 45.785 abitanti (2001).
Anchêu a l'è 'n pòsto molto importante pe o tûriximo e ghe rivan nûmeroxe croxëe che fan gîi attraverso a Patagonia e l'Antartide. A l'è vexinn-a a o Parque Nacional Tierra del Fuego, 'n parco natûrâ de gran importansa ecologgica.
