Conventillo
Da Wikipedia
Conventillo (in spagnòllo, da-o diminûtivo de convento), o l'è o nomme co-o quæ se conoxe 'n tippo de ca' de e çittæ sûdamericann-e, dïta ascì inquilinato, donde ciaschedûnn-a de e stanse a l'è affittâa da 'na famiggia oppûre da 'n grûppo d'òmmi soli. De sovente i serviçi (sala a mangê, bagno, ecc.) son i mæximi pe tûtti i rescidenti.
A l'è stæta a ca' tippica de l'immigranti in Sûdamerica a l'inissio do seccolo XX, primmo pòsto donde son arrestæ tanti emigræ in Argentinn-a e Uruguay. Inte 'ste rescidense se mescciûâvan genti de diversce origgini, prinçipalmenti, italiæn, spagnòlli, ebrei e arabi. A l'è stæta o pòsto ciû rapprezentattivo da coltûa popolâ, espressa into tango e e êuvie de tiatro de l'inissio do seccolo XX.
