Regierung Santer-Poos III

D' Regierung Santer-Poos III ass eng Koalitiounsregierung aus CSV an LSAP, déi aus de Chamberwale vum 12. Juni 1994 ervirgaange war. Si ass den ass den 13. Juli 1994 vereedegt ginn.

Si huet aus 11 Ministeren an engem Staatssekretär bestanen.

De 26. Januar 1995 ass d'Regierung ëmgebildt an de Jean-Claude Juncker Premierminister ginn, nodeems de Jacques Santer vu senger Functioun als Premier zeréckgetruede war, fir President vun der Europäescher Commissioun ze ginn.

[Änneren] Zesummesetzung

Jacques Santer (CSV): Premierminister; Staatsminister; Kulturminister
Jacques Poos (LSAP): Vizepremierminister; Ausseminister, Minister fir Aussenhandel a Cooperatioun
Fernand Boden (CSV): Minister fir Famill a Solidaritéit; Minister fir de Mëttelstand an den Tourismus; Minister vun der Ëffentlecher Verwaltung
Jean Spautz (CSV): Inneminister; Wunnengsbauminister
Jean-Claude Juncker: Finanzminister, Aarbechtsminister
Marc Fischbach (CSV): Erzéiungs- a Fuerschungsminister; Justizminister;
Johny Lahure (LSAP): Gesondheetsminister; Ëmweltminister
Robert Goebbels (LSAP): Wirtschaftsminister; Minister fir Ëffentlech Aarbechten; Energieminister
Alex Bodry (LSAP): Minister fir Landesplanung; Arméiminister; Minister fir Sporterzéiung a Sport; Jugendminister
Marie-Josée Jacobs (CSV): Ministesch fir Landwirtschaft, Wäibau a Ländlech Entwécklung; Delegéiert Ministesch fir Kultur
Mady Delvaux-Stehres (LSAP): Ministesch fir Sozialversécherung; Transportministesch; Kommunikatiounsministesch
Georges Wohlfart (LSAP): Staatssekretär fir Aussebezéiungen, Aussenhandel a Cooperatioun; Staatssekretär fir Ëffentlech Aarbechten.