Joint

Vu Wikipedia, der fräier Enzyklopedie.

Dréie vun engem Joint

En Joint och Haschzigarett (Englesch ausgeschwat) ass eng mat meeschtens Haschisch oder Marihuana an Tubak gedréinten Zigarett.

Den Tubak gëtt mat Cannabis vermëscht an da mat engem Dréipabeier (Bliedchen) zesummegerullt. Meeschtens gëtt nach e Filter aus Kartong gebaut, fir sou mann wéi méiglech Cannabis ze verléieren. Cannabis kann och pur am Joint gefëmmt ginn.

[Änneren] Allgemeng

Meeschtens ass en Joint e bësse méi grouss wéi eng Zigarett an triichterfërmeg (konesch). De Wierkstoffgehalt a Form vun THC (Tetrahydrocannabinol) ka je no Quantitéit a Qualitéit vum Cannabis staark variéieren. An der Regel schwankt d’Quantitéit vun Haschisch a Marihuana déi fir en Joint gebraucht gëtt tëschent 0,4 oder méi Gramm, woubäi manner erfuere Konsumente manner Cannabis an den Joint dréien.

Fir den Joint ze dréie ginn et verschiddenen Zorten Zigrettepobeier. Meeschtens gi „Longpapers“ (extralaang Zigrettebliedercher) oder „rips“ (Markennumm; Endlospobeier vun der Rull) benotzt. Alternativ kënne méi normal Zigrettebliedercher zu engem groussen zesummegepecht ginn (Zweeblat, Dräiblat,…) Méi décke Pobeier huet den Nodeel, méi séier wéi de Cannabis ofzebrennen.

Dacks gëtt um dënnen Enn e „Mondstéck“, och „Filter“ oder „Base“ genannt (engl. „Tip“), a Form vun enger klenger Pabeierrull (z.B. aus dem Karton vum Zigrettepak oder engem Ticket gemat) verschafft; dëst erhéicht souwuel d’Stabilitéit, wéi och d’Grëffegkeet vum Joint. Des weideren déngt d’Längt vum „Tip“ der Ofkillung vum Damp. Dofir kann een och speziell „Tip-Tubes“ kafen, déi mat Aktivkuel gefëllt sinn. Aktivkuel soll Schuedstoffer aus dem Damp erausfilteren, ass awer duerchlässeg fir de Wierkstoff THC.

[Änneren] Variatiounen

En Joint kann op verschidde Manéiere gedréit (gerullt) ginn: Üblecherweis gëtt d’Bliedchen, wéi och bei selwergedréiten Zigaretten, mat der Kliefsäit no uewen ëm den Joint gedréit. Bei der hollännescher Aart, och „eelaageg“, „backflip“, „inward“, „Fakie“, „Rembrandt“ oder „inside-out“ genannt, gëtt d’Bliedchen esou geluecht datt d’Kliefsäit no ënne weist. Da gëtt et mat e bëssen Übung eragedréit an de Pobeier un der Kliefsäit ugefiicht. Dono gëtt de Pabeier deen iwersteet ewechgebrannt oder erofgerappt, fir manner Pobeier matzefëmmen.

E „Stick“ ass en Joint, deen mat nëmmen engem normalen Zigarettebliedchen gedréit zylindresch gëtt an da wéi eng selwer gedréinten Zigarett ausgesäit an normalerweis och diskret wéi eng Zigarett gefëmmt gëtt.

De „Blunt“ ass u sech mat Joints vergläichbar, nëmmen datt se net als Mëschung, also mat Tubak, mee pur gebraucht ginn. Dofir gëtt keen normalen Zigarettenpobeier geholl, mee aromatiséiert Tubakblieder, ähnlech wéi déi vun enger Zigarett. Blunts gëtt et an alle méiglechen Aromen, wéi z.B. Kiischt, Äppel, Äerdbier, Hunneg, Schokela, Vanille asw. Dës Blieder hunn de Virdeel, datt et net esou „kraatzt“ am Hals.

[Änneren] Wierkung

D’Wierkung vun engem Joint variéiert je no THC-Quantitéit vum bäigemëschte Marihuana a léisst sech aus ville Berichter vu fréiere Konsumente wëssenschaftlech rekonstruéieren. Et fält op datt am Feldversuch ganz dacks eng Sensibiliséierung vun alle Sënnesorganer wärend dem Rausch festgestallt gouf.

D’psychoaktiv Wirekung mat Tubak gläicht enger géier Kurv, déi dann iwwer 30 Min. offlaacht. Déi aktiv Wierkung vum THC wierkt awer 2 bis 6 Stonnen méi laang. Verschidden Zousätz beim handelsüblechen Tubak verstäerken d’Wierkung a verkierzen d’Zäit bis dës asetzt. Als esou een Zousaz gëtt och Amoniak geholl, deen den Transport vun de Wierkstoffer Nikotin an THC an d’Gehir beschleunegt.

Géigeniwwer der Wierkung vun enger Bong, ass d’Wierkung vun engem Joint relativ schwaach, bzw. brauch ee fir déiselwescht Wierkung méi Hanfmaterial. Duerch déi lues Opnam vum Wierkstoff kënnt et beim Fëmme vun engem Joint och net zu engem plëtzleche Rausch.

[Änneren] Dréien

Fir en Joint ze dréie brauch een e bëssen Übung. Fir einfach Jointe gi meeschtens Longpapers an een aus engem Stéck Karton zesummegerullte Filter benotzt (Deckel vun engem Heft oder aus dem Zigarettepaak). D’Gemësch (Mëschung aus Tubak an Cannabis-Produiten) gëtt mam Filter op déi richteg Säit vum Bliedche geluecht, an zum Schluss mat Fiichtegkeet zesummegepecht. De leschten Zentimeter virum Filter gëtt dacks als de sougenannten Tubakbuedem benotzt. Dësen ass net fir matzefëmmen geduecht, mee soll verhënneren, datt ee mam fäerdeg gefëmmtenen Joint de Rescht Cannabis ewechgeheit.

Eng aner dacks ugewennte Method ass d’Stoppen, wou d’Bliedche mam Filter fir d’éischt virgedréit gëtt (ouni Cannabis an/oder Tubak) an dann d’Mëschung no an no mat engem dënne Géigestand eragestoppt gëtt.

En Joint kann och mat enger spezieller „Dréi-Maschinn“ gemaach (gebaut) ginn.

An den hollännesche Coffee Shops gëtt et virgedréiten Jointe mat enger fäerdeger Mëschung aus Tubak a Marihuana oder Haschisch ze kafen; heiansdo ginn awer och Jointen aus purem Marihuana ugebueden.

[Änneren] Literatur

Lark-Lajon Lizermann: Der Cannabis Anbau : Alles über Botanik, Anbau, Vermehrung, Weiterverarbeitung und medizinische Anwendung sowie THC-Messverfahren ISBN 3037881348 Nachtschatten Verlag 2004
van Treeck, Bernhard: Drogen- und Suchtlexikon, Lexikon-Imprint-Verlag, Berlin, 2003, ISBN 3-89602-221-0
van Treeck, Bernhard: Das große Cannabis-Lexikon - Alles über die Nutzpflanze Hanf, Lexikon-Imprint-Verlag, Berlin, 2000, ISBN 3-89602-268-7
van Treeck, Bernhard: Drogen, Schwarzkopf & Schwarzkopf, Berlin, 2003, ISBN 3-89602-420-5
Hai & Rippchen, HANF-Handbuch, Botanik, Chemie, Anbau, Ernte, Globale Erzeugung & Nutzung als Faserpflanze, Kulturgeschichte des psychoaktiven Hanf, Einnahme, Wirkung auf Kopf & Körper, Erfahrungsberrichte, Hanf in der Medizin, Mythen, Hanf im Straßenverkehr, Urinproben, das holländische Modell, Zur Forschung heute, Die Entkriminalisierungs- und Legalisierungsdebatte, Verlag: Der grüne Zweig 173, ISBN 3-925817-73-5