Bro Goth Agan Tasow
Dhiworth Wikipedia, an godhoniador rydh
Bro Goth Agan Tasow yw kenys orth penn an Orsedh, pan doch an verdh an kledha Myghtern Arthur (po bardh arall a doch an kledha). An ilow yw an kethsam ilow ages an gan gembrek Hen Wlad fy Nhadau mes nyns yw an geryow (skrifys y'n kynsa le gans Henry Jenner mes nebes amendys a-wosa) treylyans an kan na. Y klywir an keth ilow ynwedh y'n hymna kenedhlek bretonek, Bro Gozh Ma Zadoù. Ny dal esedha pan genir an gan ma, ha res yw garma 'Kernow bys Vykken' wosa gorfenna.
An hymna kenedhlek ansoedhogel arall a Gernow yw Trelawny.
[chanjya] Bro Goth Agan Tasow
Bro goth agan Tasow
dha fleghes a’th kar,
Gwlas ker an Howlsedhes,
pan vro yw dha bar?
War oll an norvys
‘th on ni skoellys a-les,
Mes agan kerensa yw dhis.
- Kernow! Kernow, y keryn Kernow;
- An mor hedra vo yn fos dhis a-dro
- ‘Th on onan hag oll rag Kernow!
Gwlaskor Myghtern Arthur,
an Sens kyns, ha’n Gral
Moy kerys genen
nyns yw tiredh arall,
Ynnos sy pub karn,
nans, menydh ha chi
A gows yn Kernewek dhyn ni.
- Kernow! Kernow, y keryn Kernow;
- An mor hedra vo yn fos dhis a-dro
- 'Th on onan hag oll rag Kernow!
Yn tewlder an bal
ha war donnow an mor,
Pan esen ow kwandra
dre diryow tramor
Yn pub le pynag
hag yn keniver bro
Y treylyn kolonnow dhiso.
- Kernow! Kernow, y keryn Kernow;
- An mor hedra vo yn fos dhis a-dro
- 'Th on onan hag oll rag Kernow!
Kernow bys vykken!
Categories: Kernow | Ylow
