ჩოხატაურის რაიონი

ვიკიპედიიდან

ჩოხატაურის რაიონი - ადმინისტრაციულ-ტერიტორიული რაიონი გურიის მხარეში. რაიონის ტერიტორია 1917-მდე შედიოდა ქუთაისის გუბერნიის ოზურგეთის მაზრაში, 1921-დან ოზურგეთის მაზრაში, 1930-63-ში - დამოუკიდებელი რაიონი იყო. 1963-64-ში შედიოდა მახარაძის რაიონში, 1965-დან ცალკე რაიონია.

სექციების სია 1 ბუნება 2 მოსახლეობა 3 მმართველობა 4 ეკონომიკა 5 კულტურა 6 ღირშესანიშნაობანი

[რედაქტირება] ბუნება

რაიონის დიდი ნაწილი მთაგორიანია. მთავარი ოროგრაფიული ერთეულებია: მესხეთის ქედი და მისი შტოქედები, მდ. სუფსისა და მისი შენაკადების ხეობები. ტერიტორია - 825 კვ.კმ. რაიონის ტერიტორიაზე მიედინება მდინარეები სუფსა და გუბაზეული. მთავარი წიაღისეული სიმდიდრეა მინერალური საღებავები, პირიტი, საშენი ქვები, აგრეთვე მინერალური წყლები (ნაბეღლავი, კოხნარი).

[რედაქტირება] მოსახლეობა

მოსახლეობის რიცხოვნობა - 24 ათასი კაცი; სიმჭიდროვე - 29 კაცი კვ.კმ-ზე. რაიონში 61 დასახლებული პუნქტია: 1 დაბა და 60 სოფელი.

[რედაქტირება] მმართველობა

რაიონის ადგილობრივი თვითმმართველობის უმაღლესი ორგანოა რაიონის საკრებულო, აღმასრულებელი ორგანო - რაიონის გამგეობა. მმართველობის ადმინისტრაციული ერთეულებია:

• დაბის საკრებულო - 1: ჩოხატაური;
• თემის საკრებულო - 17: ბუკისციხის, განახლების, დაბლაციხის, დიდივანის, ერკეთის, ზემოსურების, ზემოხეთის, ზომლეთის, ზოტის, კოხნარის, ნაბეღლავის, საჭამიასერის, ფარცხმის, ქვენობნის, ჩაისუბნის, ხევის, ხიდისთავის
• სოფლის საკრებულო - 5: გოგოლესუბანი, გორაბერეჟოული, გუთური, შუაგანახლება, შუასურები.

[რედაქტირება] ეკონომიკა

წამყვანი დარგია სოფლის მეურნეობა, მათ შორის მეხილეობა, მარცვლეულის მეურნეობა, მევენახეობა, მეჩაიეობა, მეცხოველეობა. რაიონში მნიშვნელოვანი საწარმოები არ არის, მინერალური წყლის "ნაბეღლავის" ჩამოსასხმელი ქარხნისა. ფუნქციონირებს სამთო-კლიმატური კურორტები ბახმარო და ნაბეღლავი.

[რედაქტირება] კულტურა

რაიონში 43 სახელმწიფო ზოგადსაგანმანათლებლო სკოლაა, 1 საშუალო პროფესიული სასწავლებელი, 33 ბიბლიოთეკა, 3 თეატრი და მუზეუმები: მხარეთმცოდნეობის, ბორის ძნელაძის, ნიკო მარის, ჭიჭიკო ბენდელიანის, მოსე გოგიბერიძის სახლ-მუზეუმები.

[რედაქტირება] ღირშესანიშნაობანი

• ხუროთმოძღვრების ძეგლები: ბუკისციხეში - ადრინდელი ფეოდალური ხანის ციხის ნანგრევები, გორაბერეჟოულში - ციხე-გალავანი და ეკლესია, შუაგანახლებაში - სამონასტრო კომპლექსი.

გურიის მხარე

ლანჩხუთის რაიონი | ოზურგეთის რაიონი | ჩოხატაურის რაიონი