ვიკიპედიიდან
მიანმარის კავშირი (ბირმ. 
, აგრეთვე ბირმის კავშირი) გეოგრაფიულად ყველაზე დიდი ქვეყანაა კონტინენტურ სამხრეთ-აღმოსავლეთ აზიაში. ჩრდილოეთით მას ესაზღვრება ჩინეთის სახალხო რესპუბლიკა, აღმოსავლეთით - ლაოსი, დასავლეთით - ბანგლადეში, ხოლო ჩრდილო-დასავლეთით - ინდოეთი; ასევე სამხრეთით - ანდამანის ზღვა, ხოლო სამხრეთ დასავლეთით - ბენგალის ყურე. ბირმას 2000 კილომტერზე მეტი სანაპირო ზოლი აქვს. 1962-1988 წლებში ქვეყანას სამხედრო ხუნტა მართავდა გენერალ ნე ვინის მეთაურობით. ამჟამად, 1992 წლიდან, პოლიტიკური სისტემა სამხედრო მმართველობის მკაცრი ზედამხედველობის ქვეშ იმყოფება უფროსი გენერალი თან შვეს მეთაურობით.
[რედაქტირება] სახელწოდების წარმოშობის ისტორია
1989 წელს სამხედრო ხუნტამ ქვეყნის სახელწყოდება ოფიციალურად შეცვალა ინგლისური ვერსია - ბირმიდან მიანმარზე (ქვეყნის ყველა სხვა ინგლისურენოვან დასახელებასთან ერთად დედაქალაქის ჩათვლით - რანგუნიდან იანგონზე). თუმცა ოფიციალური სახელწოდება ბირმულ ენაზე - მიანმა (
) - არ შეცვლილა. ამგვარმა ცვლილებებმა პოლიტიკური უთანხმოებები გამოიწვია, ვინაიდან ეს სახელწოდებები ხშირად ადვილობრივ უმცირესობათა ინტერესთა გაუთვალისწინებლად და ლინგვისტურად გაუმართავი იყო.
