Gaso
De Wikipedio
Gaso es un ek la tri standi (solido, liquido, gaso) di materio.
Gasi karakterizesas da basa denseso, alta presebleso, diafaneso, manko di rigideso, e pronteso plenigar havebla spaco; aero e vaporo es familiara exempli.
Ye suficante alta temperaturi, omna materii gaseskas. Gasi, aparte vaporo e karbo-dioxido, es freque produkturi di kombusto.
La universo konsistas grandaparte ek gasi, forme di interstela hidrogeno.
Kontraste solidi e liquidi, la molekuli di gasa es fore aparta, e movas rapide e hazarde. La frapado dil molekuli kontre la muri di kontenilo produktas preso plu granda kam on ofte savas - la atmosfero presas kontre omno, e sen ol ni simple bolius ed explozus.
Che certena amaso di ideala gaso, la multiplikuro dil preso (P) e volumino (V) es proporcionala kun la absoluta temperaturo (T):
PV = RT (la generala gas-lego)
La konstanto R es la universala gas-konstanto. Reala gasi divergas de ca ideala lego ye alta preso pro mikra intermolekulala forci.
