Django Reinhardt
De Wikipedio
| ne havas imajo en Commons | |
| Profesiono: | muzikisto |
|---|---|
| Stato: | Belgia |
| Nask-dio: | 23 di januaro di 1910 |
| Nask-urbo: | Liberchies, Belgia |
| Mort-dio: | 16 di mayo, 1953 |
| mort-urbo: | Fontainebleau, Francia |
Django Reinhardt (n. Jean Baptiste Reinhardt) esis Belgiana muzikisto di jazo. Ilu naskis ye 23 di januaro 1910 e mortis ye 16 di mayo 1953.
Ilu naskis en Liberchies, Belgia, en ciganofamilio. Kom infanto ye 1920 ilu lernis plear violino e gitaro. En 1922 Django perdis kelka fingri de sua sinistra manuo, kande la karavano brulis e Django dormis.
En 1934 Django Reinhardt fondis bando nomizita “Hot Club de France” kun violisto Stéphane Grappelly. La grupo igis multa turi en Europa e multa gramofonala diski. En 1937 Django pleis por diski sua maxim bona kompozaji, exemple Chicago, Ain’t misbehavin’, Rose Room. Altra famoza kompozuri esas, por exemplo, Daphne, Nuages, Parfum, Improvisation, Nocturne e Souvenirs.
En 1940 Stéphane Grappelly livis la bando e translojis en Anglia. Nextayare, en 1941, klarinetisto Hubert Rostaing remplasis Grappelly en la bando. Pos la duesma mondo-milito, en 1946, Duke Ellington vokis Django Reinhardt ad Usa. En 1947 Django retrovoyajis a Francia e komencis denove turigar en Europa.
Ye 16 di mayo 1953 Django Reinhardt mortis en Fontainebleau, Francia.
