Agdama a paspasamak
Manipud iti Wikipedia
| Nov – Deciembre – Ene | ||||||
| LU | MA | MI | JU | VI | SA | DO |
| 28 | 29 | 30 | 1 | 2 | 3 | 4 |
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | 1 |
| 2005 Calendario |
||||||
Dagiti agdama a paspasamak ken pagpagteng ken ok-okasion.
Linaon |
[baliwan] 2007
- Pimmusay ni Gerald Ford, dati nga Presidente iti Estados Unidos. Agtawen iti 93. Isu laeng iti nagtakem a presidente ti Estados Unidos nga saan binutosan ti nagilian. Sinukatanna ni Richard Nixon idi immikkat gapu iti eskandalo a Watergate.
- Agsasaganad nga gingined iti abagatan a pantar ti Taiwan ti nangdadael iti nadumaduma nga saggayad ti uneg ti baybay ket nangtubngar iti telecomunikasion idiay Asia. Impakdaar dagiti autoridad nga agsagana iti Filipinas no kasparigan maabutan iti tsunami a kas maysa metro ti kadakkelna.
- Ginubat iti bileg a militar ti Etyopia, pagilian a Cristiano, iti Somalia. Rinautda dagiti il-ili iti amianan ken iti capitolio a Mogadishu, tulong para iti nakapsut a govierno ti Somalia a manglablaban ken maikaniwas iti Agtitipon a Korkorte ti Islam, grupo a Muslim nga makiniggem iti tengnga ken abagatan ti Somalia ken mapabasol a mangtultulong iti Al Kaeda.
- Sangapulo ti natayen idiay Ehipto agsipud iti H5N1 virus a trangkaso dagiti billit.
[baliwan] 2006
- Maysa a napigsa a ginggined ti nangyegyeg iti isla ti Java iti Indonesia, idi Mayo 27, 2006, a nakatayan ti nasurok a 5,000 a tattao.
- Nasentensiaan ni Guen Aguilar, 30, a mabalud iti 10 a tawen iti panangpapatayna iti gayyem ken padana a Filipina nga obrero domestiko iti Singapore a ni Jane La Puebla.
- Agtultuloy ti gulo iti Daya a Timor a nagtaud iti risiris iti nagbaetan ti militaria maipapan iti diskriminasion iti uneg ti militar ti pagilian, a nagramaram iti intero a Daya a Timor manipud iti kapitolio ti Dili.
[baliwan] 2005
[baliwan] 20 Deciembre
- Ni Katulongan nga Ukom Artemio Panganiban ti baro a Hepe nga Ukom ti Korte Suprema ti Filipinas, kalpasan a pinusgan ni Presidente Gloria Macapagal Arroyo, kas sukat ni Ukom Hilario Davide Jr. a nagretiro iti Deciembre 20, 2005.
- Pimmusay ni Direktor Reynaldo Wycoco ti Nailian a Byuro ti Investigasion (NBI) ti Filipinas idi Deciembre 19, 2005 iti Manila, kalpasan dandani makabulan a pannakaidagelna iti nauneg a coma a pinarnuay ti pannakaatakena iti puso idi Noviembre 23, 2005.
- Ni Juan Evo Morales Ayma, maysa a socialista, ti manamnama nga agbalin a baro a presidente ti pagilian ti Bolivia, kalpasan ti layus a botos a nagun-odna iti kalkalpas nga eleksion; ni Morales ti agbalin a maysa pay a makakannigid a lider iti Abagatan nga America ken umuna nga patneng a pangulo iti Bolivia, aggapu ti tribo dagiti Aymara.
[baliwan] 26 Noviembre
- Marugian ti maika-23 a Southeast Asian Games (SEAG) inton Domingo, Noviembre 27, 2005 iti seremonia a maangay iti Quirino Grandstand iti Parke ni Rizal, Manila; ti Filipinas ti mangsangaili iti SEAG ita a tawen a pakilaokan dagiti atleta manipud iti 11 a pagpagilian: Brunei Darussalam, Cambodia, Indonesia, Laos, Malaysia, Myanmar, Singapore, Thailand, Daya a Timor, Vietnam ken Filipinas.
- Kiniddaw ni sigud a komisioner ti COMELEC Virgilio Garcillano iti Korte Suprema ti Filipinas a pasardengen daytoy ti Kamara dagiti Pannakabagi a mangaresto kenkuana gapu iti dina panagparang iti Kamara tapno mapalutpot mainaig iti kontroversial a "Hello, Garci" tapes.
[baliwan] 14 Noviembre
- Nasurok a 2,000 a tattao ti nangpanaw kadagiti pagtaenganda idiay Sulu, iti Filipinas, gapu iti panagrurupak iti 4 nga aldawen dagiti puersa militar ti govierno ken dagiti terorista a kameng ti Abu Sayyaf.
- Aganay a 57 a tao ti natay maigapu kadagiti panagbettak ti bomba iti tallo nga otel idiay Amman, Jordan; kuna dagiti autoridad nga agim-imbestiga a gapuanan dagiti terorista a suicide bomber dagiti panagbomba.
[baliwan] 04 Noviembre
- Agtultuloy ti panagriribuk dagiti agtutubo idiay Paris, Francia, iti walon a rabii. Nangrugi ti panagpagunggan dagiti agtutubo a Franses idi matay iti pannakakorienteda ti dua nga agtutubo a Muslim. Addan 150 a lugan, maysa a terminal ti bus, maysa nga eskuelaan, maysa a bodega ti tela, ti pinuoran dagiti agtutubo.
- Innem a kameng ti U.S. Marines ti napabasol iti panangrames iti maysa a 22-anios a babai a Filipina iti Subic Bay Freeport Zone, Ciudad ti Olongapo. Dagiti akusado a marino ket karaman ti tropa nga Americano nga immay iti Filipinas para iti panagsanay iti kontraterorismo iti armada ti Filipinas kas paset ti RP-US Visiting Forces Agreement.
[baliwan] 24 Octobre
- Inggunamgunam ti dua a naimpluensia a daulo ti relihion iti Filipinas ken dagiti grupo a mangtubtubngar iti administrasion ni Presidente Gloria Macapagal Arroyo ti pannakaangay ti maysa nga snap election inton 2007 tapno aggibusen ti agdama a krisis iti politika iti pagilian. Daytoy ti ingganetget da Arsobispo ti Cebu Ricardo Cardinal Vidal ken ni daulo ti El Shaddai Bro. Mike Velarde a sinarurongan dagiti grupo iti Black and White Movement a pakaibilangan ti makunkuna a "Hyatt 10" a grupo dagiti naglusulos a kameng ti gabinete ni Arroyo.
[baliwan] 22 Octobre
- Simmagpaten iti kadagaan ti napigsa a bagyo Wilma iti lumaud a Baybay ti Caribbean ket madamana a sansanutan iti ag-150 milia-kada-oras nga angin ken napigsa a tudona ti Mexico, ken naireport nga isarunona a darupen ti estado ti Florida ken ti pagilian ti Cuba kadagiti sumarsaruno nga aldaw.
[baliwan] 21 Octobre
- Inggunamgunam ni sigud a presidente ti Filipinas Fidel V. Ramos a paababaen ni Presidente Gloria Macapagal Arroyo ti innem-a-tawen a terminona para iti nailian nga pakaseknan tapno maliklikan dagiti agdama a di pagkikinnaawatan iti politika iti Filipins. Kinuna ni Ramos iti bitlana kadagiti kameng ti Manila Business Club a "no nangatngato ti takem, dakdakkel met ti sakripisio."
[baliwan] 19 Octobre
- Impaganetget ti Malacañang a yetnagna ti controversial a napalawa a VAT (value-added tax), a pinal nga inanamonganen ti Korte Suprema ti Filipinas, iti baet ti panangballaag ti oposision a daytoy a panagbuis ket paddakkelenna ti inflasion ken pakaruenna ti rigat ti panagbiag ti kaaduan kadagiti 84 a riwriw a Filipino.
[baliwan] 18 Octobre
- Kinondenar ni Mike Velarde, lider ti Catolico a charismatic a grupo nga El Shaddai, ti panangwara ken panangpugsit iti danum dagiti polis ken bombero iti maysa a prayer rally nga indauluan dagiti mangsupsupiat iti govierno ni Presidente Gloria Macapagal Arroyo, ken nakairamanan ni sigud a Bise Presidente Teofisto Guingona ken papadi ken obispo a Catolico.
[baliwan] 15 Octobre
- Kalpasan ti dinekdekada a pannakailupitlupit ken nasurok a dua a tawen ti gubat ken insurhensia, napadasan dagiti Iraki ti nawaya a nagbotos iti maysa a gakat a constitusion a mangipasdek iti maysa a democratico a govierno a mangituray iti Iraq. Da mismo Presidente ti Iraq Jalal Talabani ken and Primo Ministro Ibrahim al-Jaafari dagiti karaman kadagiti immuna a nangipisok iti balotada.
[baliwan] 14 Octobre
- Nakasamsam ti dagiti tropa ti Philippine Army iti aganay a 100 kilogramo ti explosivo a kemikal iti maysa a balay a maipagarup nga apon dagiti komunista a New People's Army (NPA) iti ili ti Tanay iti provincia ti Rizal, Filipinas. Maatap nga aramaten dagiti rebelde dagiti natakuatan nga explosivo iti agdama nga opensiba ti NPA kontra iti govierno.
[baliwan] 13 Octobre
- Ni Harold Pinter, maysa nga English a dramaturgo ken direktor ti teatro ti nangabak iti Premio Nobel iti Literatura para iti 2005.
[baliwan] 11 Octobre
- Impaganetget ti Malacaniang a saan nga ideklara ni Presidente Gloria Macapagal Arroyo ti linteg militar a kas iwarwaragawag ti oposision ken dadduma pay a bumusbusor iti administrasionna. Ngem kuna met ti maysa a daulo ti oposision a saan met a nasken a pormal pay nga ideklara ni Arroyo daytoy tapno laeng mabalinanna ti mangaramat iti bileg ti linteg militar.
[baliwan] 9 Octobre
- Saan a maapektaran ti langenlangen ken relasion ti Filipinas ken ti Estados Unidos, daytoy ti impatalged ni Darryl Johnson, envoy ti E.U. iti Filipinas, mainaig iti pannakaaresto ti maysa a Filipino a naturalisado nga Americano, ni sigud a U.S. Marine Leandro Aragoncillo, a maatap a nagtakaw iti nalimed nga informasion iti White House ken FBI sana inted kadagiti kameng ti oposision politikal iti Filipinas.
