Qumran
De Wikipedia, le encyclopedia libere
Qumran, o plus precisemente: Kirbet Qumran es un complexo de ruinas antique sur le ripas nord-occidental dem Mar Morte, in cuje proximitates esseva discoperite del anno 1947 a 1956, deceun grottos in le quales se trovava plure manuscriptos, devenite pois famose como le rolos del Mar Morte o Textos de Qumran.
Le manuscriptos representa, forsan, le restos de un bibliotheca del secta judaic de essenos que debe haber habite su centro in un monasterio a Kirbet Qumran ab le 2e seculo a. C. usqu al 1e seculo p. C. Le textos de Qumran es manuscriptos biblic (p. ex. Isaia), commentarios p. ex. a Habacuc), partes de apocryphos e de pseudoepigraphos. E supertoto es importante scriptos como le si-dicite: "Regula del Secta", hymnos, le "Regula del Guerra", etc. pro poter melio comprender le Judaismo del tempores de Jesus.
Un altere hypothese dice que iste bibliotheca non pertineva al Essenos ma esseva solmente un repositorio secrete pro proteger le litteratura judaic del incursiones estranie.
