Sebnitz (rěka)
Z Wikipedije, swobodneje encyklopedije
 |
|
|---|---|
| Rěka Sebnitz Sebnitz |
|
| Běži přez | Čěsku a Němsku |
| Žórło | w Čěskej |
| Wuliw | jako Lachsbach po zjednoćenju z rěku Polenz do Łobja |
| Dołhosć | 30,8 km |
Sebnitz je lěwa žórłowa rěka Lachsbacha a běži w Čěskej a w Sakskej přez Saksku Šwicu. Na čěskim teritoriju rěka Vilémovský potok (němsce Wölmsdörfer Bach).
[wobdźěłać] Geografija
Sebnitz resp. Vilémovský potok wužórła w čěskej Šluknowskej pahórčinje (čěsce Šluknovská pahorkatina) w šěrokim dole mjez 608 m wysokej horu Hrazený (Pirsken) a 593 m wysokej Plešný (Plissenberg), 2 km sewjerozapadnje wsy Brtníky (Zeidler). Rěčka běži do sewjerozapadneho směra hač do Velký Šenov (Groß Schönau), hdźež, běžo podłu doły rěčki Šenovský potok, swój běh měnja a přez Vilémov (Wölmsdorf) a Mikulášovice (Nixdorf) běži.
Spody tutych sydlišćow so Vilémovský potok mjez horu Spálený vrch (Hillebrand) (443 m) a Wolfstein (392,9 m) pola Doliny (Franzthal) z namjeznej rěčku mjez Čěskej a němskim wuběžkim Sebničanskeho lěsa, kotryž do čěskeho teritorija nutř saha. Wot tutoho wotrězka mjenuje so Sebnitz abo Sebničanska rěčka. Za namjeznym přechodom Sebnitz-Dolní Poustevna běži hišće něšto stow metrow jako namjezna rěčka a běži potom přez město Sebnitz a molowniski Sebničanski doł, zo by so po 30,8 kilometrach z rěku Polenz pola Porschdorfa k Lachsbachej zjednoćiła. Delni dźěl Sebničanskeho doła je předewšěm přez železnisku čaru Sebnitztalbahn z jeje 7 tunlemi znaty.
[wobdźěłać] Přitoki
Wuznamne přitoki Sebnitza su
w Čěskej:
- Šenovský potok (Schönauer Bach), Velký Šenov
- Liščí potok (Hainsbach), spody města Velký Šenov
- Mikulášovičky potok (Nixdorfer Bach), Vilémov
- Luční potok (Heimichbach), Dolní Poustevna
w Němskej:
- Finkenbach, Hofhainersdorf (měšćanski dźěl Sebnitza)
- Schönbach, Amtshainersdorf (měšćanski dźěl Sebnitza)
- Fischbach, spody Ulbersdorfskeho młyna
- Schwarzbach, pola młyna Buttermilchmühle
- Kohlichtgraben, pola młyna Kohlmühle
[wobdźěłać] Fawna
Wot lěta 1995 eksistuje krajnopřesahoway projekt Łobjowy łosos, kotrehož zaměr je znowawobsydlenje Łobja a někotrych přitokow, mj. dr. Sebnitza, z łososami. Tutón projekt je wuspěšny a je k tomu wjedł, zo je so łosos w Sebnitzu zaso zdomjacnił.
