Kano
From Wikipedia
Kano sunan babbar ƙasar Hausa ce kuma masarauta ce mai kwarjini a cikin ƙasashen Hausa da kewaye. Haka kuma Kano gari ne babba wanda ya ƙunshi kabilu masu yawa tare da harkokin arziki.
Yawan mutanen da suke garin Kano yakai kimanin mutane Miliyan Goma (10,000) a kidayar da akayi a shekara ta 2006. Kano tana da matukar tasiri a yawan Mutane a Najeriya, saboda itace tafi kowacce Jaha yawan mutane a Najeriya. Idan kazo Kano zaka samu mutane daga ko ina a fadin duniya, tun daga na kudancin Najeriya, zuwa Kasashen dake makotaka da Najeriya, haka kuma zaka tarar da mutanen Sin, da kuma na Kasashen Larabawa kamar Sudan, Egypt, Lebanon, da kuma mutanen Turai.
Kano tayi sunan wajen kasuwancin data bunkasa akai, har ya zamana ana cewa da ita Cibiyar Kasuwanci, haka kuma tarihin Kano ya nuna daman can Kano tana da suna wurin cinikayya tsakanin ta da Larabawa.
