Secretariado das Nacións Unidas
Na Galipedia, a wikipedia en galego.
O Secretariado Xeral das Nacións Unidas é o órgano administrativo cuxo titular é a máxima representación diplomática das Nacións Unidas. Entre as súas competencias atópase a de convocar o Consello de Seguridade, a Asemblea Xeral, o Consello Económico e Social e outros organismos da ONU. A Carta das Nacións Unidas declara que quen traballen nesta deben asegurar "o máis alto grao de eficiencia, competencia e integridade" tratando que exista a máis ampla representación xeográfica
O Secretario Xeral é nomeado pola Asemblea Xeral das Nacións Unidas a recomendación do Consello de Seguridade. Este é un dos aspectos criticados da organización, que non realiza unha elección directa polos cidadáns do mundo.
O seu mandato ten unha duración de cinco anos podendo ser reelixido ao finalizar este. Está asistido por múltiples colaboradores en todo o mundo e entre as súas obrigacións atópanse a axuda á resolución de conflitos internacionais, administrar operacións en prol do mantemento da paz, organizar conferencias internacionais e reunir información na implementación de medidas tomadas polo Consello de Seguridade.
[editar] Secretarios Xerais de Nacións Unidas
- Trygve Lie (Noruega) 1946-1953
- Dag Hammarskjöld (Suecia) 1953-1961
- Sithu U Thant (Myanmar) 1961-1971
- Kurt Waldheim (Austria) 1972-1981
- Javier Pérez de Cuéllar (Perú) 1982-1991
- Butros Butros-Ghali (Exipto) 1992-1996
- Kofi Annan (Ghana) 1997-2006
- Ban Ki-moon (Corea do Sur) 2007-2011
[editar] Véxase tamén
| As Nacións Unidas |  |
|
Sistema das Nacións Unidas |
|
|
Resolucións das Nacións Unidas |
|
