Ferzan Özpetek

Na Galipedia, a wikipedia en galego.

Ferzan Özpetek (Istambul, 3 de febreiro de 1959) é un director cinematográfico de orixe turca que vive e traballa en Italia dende finais dos anos setenta.

Índice 1 Biografía 2 Filmografía 2.1 Asistente de director 2.2 Director 3 Premio

[editar] Biografía

Özpetek chega a Italia como estudante universitario e estuda Historia do Cinema na Universidade La Sapienza de Roma. Completa a súa formación frecuentando cursos de Historia do Arte e da Moda na Accademia Navona e cursos de dirección na Accaemia de Arte Dramática Silvio D'Amico. Consegue achegarse ao mundo do cinema e inicia colaboracións como asistente e auxiliar de dirección de Massimo Troisi, Maurizio Ponzi, Ricky Tognazzi e Francesco Nuti. O seu debut cinematográfico como director prodúcese en 1997 co film Il bagno turco (Hamam), que consegue un grande éxito de crítica e público. En 1999 realiza Harem Suare que, como no seu primeiro film, fala do seu país natal, Turquía. Nos seguintes anos graba Le fate ignoranti e La finestra di fronte, os seus maiores éxitos, que lle proporcionarán moitos premios e recoñecimentos. Coa colaboración de Gianni Romoli e Tilde Corsi, realiza en 2005 Cuore Sacro]]. En 2007 publica Saturno Contro, un film caracterizado por ter un casting moi rico que inclúe actores da talla de Pierfrancesco Favino e Ambra Angiolini, ademáis de Margherita Buy e Stefano Accorsi cos que xa traballara en Le fate ignoranti. Özpetek formou parte do xurando no Festival de Venecia 2007 e recentemente rodou un anuncio para a AIRC, Associazione Italiana Ricerca sul Cancro, protagonizado por Isabella Ferrari. En 2008 ten previsto facer a adaptación cinematográfica da novela de Melania Gaia Mazzuco Un giorno perfetto. Özpetek é un director abertamente gay e trata habitualmente a homosexualidade nos seus films. Este tema ten especial relevancia en Il bagno turco e Le fate ignoranti.

[editar] Filmografía

[editar] Asistente de director

• Il tenente dei carabinieri (1986)
• Il maestro del terrore (1988, TV)
• La Scorta ( 1993)
• Anche i commercialisti hanno un'anima (1994)
• Il Branco (1994)

[editar] Director

• Il Bagno Turco (Hamam, 1997)
• Harem Suare (1999)
• Le Fate Ignoranti (2001)
• La Finestra di Fronte (2003)
• Cuore Sacro (2005)
• Saturno Contro (2007)

[editar] Premio

Estes son algúns dos premio obtidos por Ferzan Özpetek polos seus traballos:

• Finestra di Fronte[1]:
  • Premio David di Donatello
    • Mellor film
  • Scholars Jury Award
    • Mellor Direccion
  • Sindicato Nacional de Xornalistas de Cinema Italiano
    • Mellor historia orixinal(xunto conh Gianni Romoli)
  • Karlovy Vary International Film Festival
    • Mellor Direccion
    • Crystal Globe para Ferzan Özpetek
  • Bangkok International Film Festival
    • Mellor film
  • Foyle Film Festival
    • Mellor film
  • Rehoboth Beach Independent Film Festival, Audience Award
    • Mellor film
  • Seattle International Film Festival
    • Mellor film

• Il Bagno Turco (Hamam)[2]
  • Golden Orange (Antalya International Film Festival)
    • Mellor film
    • Mellor dirección
  • Sindicato Nacional de Xornalistas de Cinema Italiano, Premio Silver Ribon
    • Mellor Productor

• Le Fate Ignoranti [3]
  • Austin Gay & Lesbian International Film Festival
    • Mellor Film
  • New York Lesbian and Gay Film Festival
    • Mellor Film