Uisce beatha
Ón Vicipéid, an chiclipéid shaor.
Deoch is ea uisce beatha nó fuiscí (whiskey as Béarla) a chumtar de bhraich. Déantar an bhraich as eorna a chur in uisce agus a shíolrú, agus ansin í a thriomú. Drioglann a thugtar ar an áras ina ndeántar an uisce beatha. Tá stair fhada ag an uisce beatha in Éirinn, agus cé gur mó aithne atá ar an deoch órga ó na drioglainn móra, déantar méid áirithe poitín fós, go h-áirithe i gceantair iargúlta agus sléibhe. Is in Éirinn agus in Albain a dhéantar cuid mhór den uisce beatha ar domhain. Cé gur mó an aithne atá ar whisky na hAlban, is ín Éirinn a d'eascair déanamh an uisce beatha, nó whiskey mar a litrítear ann é.
Is iad príomhlipéid fuisce na hÉireann ná Paddy, Powers, Jameson agus Bushmills, agus tá siad seo in úinéireacht Chomhlacht Stiléirí na hÉireann (Irish Distillers). Imeasc lipéid eile tá Tullamore Dew. Is fuisce measctha atá i gcuid mhór den uisce beatha a dhíoltar go h-idirnáisiúnta. Ciallaíonn sé seo gur meascán de fhuisce braiche (malt whiskey) agus fuisce grán atá ann. Fuisce braiche an déantús is daoire, agus is de dhéantús drioglainne amháin i mbliain áirithe a thagann sé. Tá an-chuid lipéid fuisce braiche Albanacha, ach níl ach cupla cheann as Éirinn go dtí seo. D'fhéadfadh sé go mbaineann sé seo leis an ndleacht ard a bhí ar uisce beatha agus gur i bhfolach faoin tír a dheintí fuisce nó poitín go h-iondúil in Éirinn, nuair a bhí an t-iliomad drioglann in Albain.
Déantar fuisce i go leor tíortha eile freisin, ar nós Ceanada agus Virginia na Stát Aontaithe (fuisce Bourbon).
Má tá alt níos forbartha le fáil i dteanga eile, is féidir leat aistriúchán Gaeilge a dhéanamh.
