Georgia

Ut Wikipedy

State of Georgia

Ofkoarting	GE
Haadstêd	Atlanta
Tiidsône	-5
Algemien
Oerflakte	154.077 km2
Befolking	8.829.383 (yn 2000)
Oare ynformaasje
Tatreden	2 jannewaris 1788
Oantal countys	159

Georgia is ien fan de staten fan de Feriene Steaten. De standertôfkoarting foar de "The Peach State" ("pjisksteat"), sa as't de bynamme is, is GA. De haadstêd is Atlanta.

Ynhâld 1 Skiednis 2 Geografy 3 Demografy en ekonomy 4 Bestjoerlike yndieling 5 Keppeling om utens

[bewurkje seksje] Skiednis

Yn it tiidrek foar de koloanisaasje troch de Jeropeanen waard it gebiet dat no bekend stiet as Georgia, troch Yndianenstammen befolke as de Cherokee. De earste Jeropeaan dy't dêr terjochte kaam wie mooglik de Spanjert Juan Ponce de León. Yn 1526 besocht Lucas Vasquez de Ayllon yn Georgia in koloanje te stiftsjen. Nei alle gedachten wie dat op wat no St. Catherine's Island hjit. De Spaanske ûntdekkingsreizgers dy't dêrnei kamen lieten in spoar fan ferwoasting efter. Yn de 18e ieu hienen de Ingelsken, nettsjintsteande de Spaanske hearskippij oer it oangrinzende Florida, lykwols Georgia fêst yn hannen.

Yn 1724 krige de steat har namme út eare foar de Ingelske kening fan doe George. Op 1 febrewaris 1733 arrivearren de earste kolonisten dy't de stêd Savannah stiftsje soene.

Georgia wie de súdlikste fan de trettjin koloanjes dy't yn opstân kamen tsjin de Britske oerhearsking. Op 2 jannewaris 1788, waard Georgia formeel, as 4e, in steat fan de Feriene Steaten.

Yn de Amerikaanske Boargeroarloch keas de steat de side fan de Konfederaasje.

Yn de 20e ieu spile rasisme en segregaasje in wichtige rol yn Georgia.

[bewurkje seksje] Geografy

De steat Georgia is 154.077 km² grut, wêrfan 150.132 km² lân. De steat leit yn de Eastern-tiidzone.

Georgia leit oan de Atlantyske Oseaan. Yn it noarden grinzet it oan de steaten Tennessee en North Carolina, yn it westen oan Alabama, yn it noardeasten oan Súd Karolina en yn it suden oan Florida.

It noardwesten heart by de berchrige de Appalachen; de rest fan de steat is frij flak. It heechste punt fan de steat is de top fan Brasstown Bald (1458 m). De wichtigste rivier is de Savannah, dy't by de stêd mei de selde namme yn de Atlantyske Oseaan útmûnet

[bewurkje seksje] Demografy en ekonomy

Yn 2000 hie Georgia 8.186.453 ynwenners (53 per km²) en bedroech it bruto produkt fan de steat sa'n 275 miljard dollar.

Haadstêd Atlanta is fierwei de grutste stêd fan de steat. Oare stêden binne Savannah, Macon, Columbus en Augusta.

[bewurkje seksje] Bestjoerlike yndieling

Georgia is ferdield yn 159 county's (gemeenten).

[bewurkje seksje] Keppeling om utens

• Offisjele webstee fan de steat