Ekstremadûra
Ut Wikipedy
| Flagge | Wapen |
|---|---|
 |
 |
| Lokaasje yn Spanje | |
 |
|
| Algemien | |
| Haadstêd | Merida |
| Oerflakte | 41.634 |
| Befolking | 1.083.879 |
| Befolkingstichtens | 26,03 |
| Oare ynformaasje | |
| Heechste punt | Calvitero 2.425 meter |
| Provinsjes | |
Ekstremadûra is ien fan de 17 selsstannige regio's fan Spanje. It leit yn it súdwesten fan Spanje en grinzet oan Portugal en de regio’s Kastily-La Mancha, Kastily en Leon en Andalûsje. Op 1 jannewaris 2005 hie Ekstremadûra in befolking fan 1.083.879. De haadstêd is Merida mei om-ende-by 70.000 ynwenners, lykernôch is de grutste stêd Badajoz mei sa'n 150.000 ynwenners.
Ynhâld |
[bewurkje seksje] Skiednis yn it koart
De omkriten fan Ekstremadûra steane al ûnder dizze namme bekend sûnt de Romeinske tiid en Merida (Emerita Augusta) wie doe al in wichtige stêd. Nei de Romeinen kamen de Germaanske oermasterders lykas de Fandalen en Fisigoaten, en nei harren kamen de Moaren.
In protte Konkwistadores, krekt as Hernán Kortés, Fransisco Pizarro, Pedro de Alvarado en Pedro de Valdivia wienen ôfkomstich út Ekstremadûra. Hjirtroch komme in soad plaknammen út dizze kontrijen ek foar yn de Nije Wrâld.
[bewurkje seksje] Geografy
Yn Ekstremadûra komt net folle yndustry foar en dêrom is der noch in soad natuer werom te finen en komme trije grutte natuerparken foar, lykas de Siërra de Gredos, Park Nasjonal de Monfraguë. Fierders streame der twa wichtigste rivieren troch de regio, nammentlik de Taach yn it noarden en de Guadiana yn it suden.
It úterste noarden fan Ekstremadûra is bercheftich en lizze de sierras (berchketens) fan it Katyljaanske skeidingsgeberchte (Spaansk: Sistema Sintral), dy't bestean út de Sierra de Gredos, de Sierra de Béjar mei de heechste pieken en de Sierra de Gata dy't Ekstramadûra skiedet fan Kastilje.
Yn it midden lizze de Sierra de las Villuercas en de Sierra de San Pedro dy't in part foarme fan de bergen fan de Montes de Toledo. Yn it suden rize de Sierra Morena omheech dy't Ekstremadûra skiedt fan Andalûsje.
Yn de natuergebieten libben noch in protte seldsume dieren dy't mei útstjerren bedrige wurde, û.o. de Pardellynks of Spaanske lynks, de Grutte trap en de Wolf.
[bewurkje seksje] Nijsgjirrichheden
Ekstremadura kent 3 monuminten dy't op 'e wrâlderfguodlist fan de UNESCO stien:
- It âlde stêdssintrum fan Cáceres,
- It argeologyske terrein fan Mérida,
- It keninklike kleaster fan Santa Maria de Guadalupe,
[bewurkje seksje] Foto gallery
 Romeins theater |
 De Romeinse brug |
 Het amfitheater |
 Plein Plaza Mayor Arco yn Cáceres. |
[bewurkje seksje] Bestjoerlike yndieling
Ekstremadûra bestiet út twa provinsjes:
| Provinsje | Haadstêd |
|---|---|
| Badajoz | Badajoz |
| Cáceres | Cáceres |
