Codognâr
De Vichipedie, la enciclopedie libare dute in marilenghe.
- Non furlan : Codognâr, o ben Codogn
- Non sientific: Pirus Cydonia L.
Alt da cinc a siet metris, il codognâr (de famee des Rosacee) al è un arbul che si presente cun ramats grues e il tronc cuviert di une stile gruesse.
Ogni ramaç al rive da pît cuntune sorte di penacul di zermois che a puartin lis fueis e lis rosis. Lis fueis ovâls, a cressin discompagnadis dai zermois e a son pelosis te part sot vie. Su la ponte dai zermois a cjapin dentri petai blancs rosâts.
La pome (mêl codogn) che e somee un pêl zâl, e je odorose e grapolose. Dut câs a difarence dal vêr piruç, e à dentri vie dal tors plui sepis di semence.
Inmò te pome crude la polpe e je dure, garbe ma e divente mulisite e e cuiste un colôr rose scûr se e ven metude a cuei parie cul zucar. E ven inalore doprade par zontâ sprofum a altris pomis.
