Civole
De Vichipedie, la enciclopedie libare dute in marilenghe.
La civole (Allium cepa) e je une plante cultivade de famee de Alliacee. E je une plante jerbose a cicli bienâl, che e devente anuâl te coltivazion, cun radîs e fueis che deventin pui gruessis e che a deventin dopo la part comestibil de plante.
E ven utilizade principalmentri in cusine, ma e je doprade ancje te midisine par vie de sôs proprietâts terapeutichis za ben cognossudis de culture popolâr, confermadis ancje de sience.
[cambie] Varietâts
A esistin une vore di varietâts di civolis che a cjapin il non dal lûc de coltivazion, dal colôr, de forme, de grandece. In gjenerâl, la scusse e pues jessi blancje, zâl-dorade o rosse come la civole rosse di Tropee, la civole rosse di Suase, la Boretane. E je imparentade cu l'ai.
[cambie] Coltivazion
La civole e à bisugne di tiere che e vedi vonde umiditât e vonde lûs ogni dì. Si scugne plantâ la semence te tiere a mancul a un 1 cm di profonditât, lassant un spazi di 10 cm jenfri. Une volte semenât, si à di spietà dai 90 ai 120 dîs prime di cjapâle sù. Intai paîs di clime dolç si pues coltivâ la civole ancje in unvier.
[cambie] In cusine
La civole e je une vore doprade inte cusine di ducj i paîs. Par vie dal sô savôr particolâr, cjate puest in tancj plats che al sarès masse lunc scriviju ducj.
E samee che la civole e fos za cognossude fin dal 5000 p.d.C. Intal Antîc Egjit e jere ben cognossude, tant che i egjizians a crodevin che il sô fuart odôr e podès tornâ a dâ la vite ai muarts. Te Antighe Grecie i atletis e i sportîfs a mangjavin tante civole parcè che a crodevin che e rindès il lôr sanc pui lizêr. I gladiatôrs de Rome antighe si sfreolavin il cuarp cu la civole. Inte Etât di Mieç, si doprave la civole ancje par paiâ il fit e par fâ regâi. I miedis a conseavin la civole cuintri il mâl di cjâf e cuintri il colâ dai cjavei.
