Botica
Dendi Güiquipeya
Una botica es un lugal u establecimientu ondi un boticáriu eherci la farmacia, es izil, proporciona servíciu e salú a un pacienti ofreciénduli consehu, dispensánduli boticas frutu desti consehu u pol receta méica, i algotrus proutus de parafarmacia cumu proutus de cosmética, alimentus especialis, proutus d´ihieni presonal, ortupeya, etc.
Una botica puei tenel un laboratoriu d´análisis clínicus u unu d´elaboración de proutus meicinalis meyanti las hórmulas mahistralis u preparaus oficinalis.
[eital] Presonal duna botica
La botica es el lugal ondi el boticariu esarrolla el su labutu profesional. Puei sel una botica comunitaria, abierta al púbricu u una botica ospitalaria al serviciu d´esta istitución.
Nuna botica siempri ebi bel un boticariu, peru tamién s´alcuentra presonal ausilial, qu´ayua al boticariu ena dispensación i receción de pidius.
El presonal tiini las siguientis huncionis:
- Dilihencial i controlal los proutus.
- Faturación i enhormación en boticas.
- Dispensal fármacus i proutus de parafarmacia.
- Enhormal a los vezerus sobri la su utilización.
- Eterminal parámetrus anatómicu-fisiolóhicus sencillus i homental ábitus saludabris enus vezerus.
- Elaboral preparaus meicamentosus, dietéticus i cosméticus, bahu protocolus establecius i supervisión el facultativu.
- Realizal análisis clínicus elementalis i normalizaus, bahu la supervisión el facultativu.
La entitulariá duna botica es esclusiva pa licenciaus u dotoraus en farmacia. Pala botica ospitalaria, en España, es mestel el entítulu d´especialista.
