Afluenti
Dendi Güiquipeya
En idroluhia, un afluenti es un cursu d´áugua, tamién llamau tributariu, que nu desemboca ena mari, sinu n´otru riu mas emportanti con el cual se uñi nun lugal llamau confluencia.
En prencipiu, de los dos rius que se uñin, es consierau cumu afluenti el de menol emportancia (pol el su caudal, el su longol, u la superfici e la su cuenca). Desistin, sin embargu, una tupa d´ececionis: riu Misisipi, cuyu afluenti (riu Misuri) es, áuguas arriba e la confluencia, 600 qm mayol i tiini una cuenca tres vezis mas estensa, pol ponel un clusu.
Amas, los chascus de Miñu i Narcea, mas pequeñus i menus caudalosus que Sil i Nalón respetivamenti. I ena confluencia e Orinocu con Guaviare, esti úrtimu es mayol (casi 1600 qm) qu´el propiu Orinocu (940 qm hata izia confluencia), inque nu es mas caudalosu.
