Vènet
Da Wikipedia.
Artéccol in dialètt bulgnais 
Al Vènet l'è 'na regiån itaglièna, cun 7 pruvénzi: Venêzia, Belón, Pèdva, Ruvîg, Trevîs, Verånna e Vizänza.
Al languv piò bacajè ali én al vènet e l'itagliàn. Al Vènet al s truva int'l Elta Itâglia ed maténna e l'a na popolaziån ed 4.490.000 d'abitànt (2001).
Indice |
[modifica] Geografî
Al cunféna piò sò cun l'Austria (såul pr'un pzulén), a maténna col Friåul e col Mèr Adriâtic, piò zå cun l'Emégglia-Rumâgna e a sîra cun la Lunbardî e col Trentén-Elt Adds.
[modifica] Fiòmm e lèg
Al Vènet l'è traversè par du fiòmm impurtant: al Po al cunfén cun l'Emégglia-Rumâgna; l'Adds, ch'al pasa par Verånna e tais a Ruvîg; la Brenta ch' la pasa par Pèdva, al Pièv ch'al pasa par Belòn, al Tajamänt al cunfén col Friåul, al Sile ch'al lambéss Trevîs e ch'l é anca al térz fiòmm d'âcua risurgîva d'l Euròpa.
[modifica] Curiositè
Ai é trai cmónni d'la pruvénzia ed Belón, (Curténna, Col e Livénnalónngh) ch'al vrénn pasèr al Trentén Èlt-Adds. I àn belì vudè al referendum e la zänt l'à squèsi totta dètt ed sé. Adès l'è al parlamänt ch'l arà da dezîder. Un quèl da vadder l'è sanza dobbi al Lagón ed Venêzia. A sîra ai é anch'al Lèg ed Ghèrda.
[modifica] Zänt famåusa nèda in Vènet
- Giacomo Casanova sfrunblån veneziàn
- Giorgio Panto, dirizänt e puléttic
- Roberto Baggio, zugadåur ed balån
- Carlo Goldoni, scritåur ed cumêdi
- Angelo Beolco, ciamè el Ruzante scritåur ed cumêdi
- Giorgione , pitåur da Casteo
 |
Regiòn d'Itâglia | |
|---|---|---|
| Abròzz | Basilichèda | Calâbria | Canpâgna | Emégglia-Rumâgna | Friåul | Lâzi | Ligûria | Lunbardî | Mèrch | Mulîs | Piemånt | Pògglia | Sardàggna | Sizégglia | Tuschèna | Trentén-Elt Adds | Onbria | Val d'Aosta | Vènet | ||
