Arcantin

Wikipediya ra, ensiklopediya hosere

Arcantin yew dewletê da qıta Amerikao. Caê xo mıntıqa ra verocê (cenubê) qıta Amerika dero. Zımey (Şımalê) Arcantini de Paraguay u Bolivya, veroc u rocawan (cenub u ğerb) de Şili, zımey rocakewtene (rocvetışi, şerqi) de Uruguay u Brezilya u rocakewtene (rocvetış, şerq) de Okyanuso Atlantik estê. Paytextê xo Buenos Aireso. Arcantin ezaê Mılliyetanê Yewbiyaiyan (UN)io. Mana namey Arcantini erdo sêmêno. Sistemê idarey xo demokrasiya.

Tedeestey 1 Tarix 2 İklim u Suki 3 Nıfus 4 İqtısad 5 Spor 6 Çımey

[bıvurne] Tarix

Tarixê Arcantini zaf khan niyo. Wexto verên de işğalê mıletê Ewropa ra ver, eşirê Postesuran (Qızılderili) tede ronişte biyê. Wextê seserra 15ine de İspanyoli, İngılızi u Fransızi amê Arcantin. Benatey seserranê 15 u 18ine de Arcantin koloniya/mıstemera İspanya u Britanya biyo. Serra 1816ine de xo reyno ra, xoser ilan kerdo. Serra 1982ine de Acantin u Britanya semedê adeyanê Falkland/ Malvinasi ra kewti wertê cengi, labelê Arcantini Cengê Falklandi kerd vindi. Ewro Arcantin demokratiko, hema Arcantini zaf tharbê eskeriye diyê.

[bıvurne] İklim u Suki

İklimê dewleta Arcantini honıko. Feqet cenubê Arcantini wextê zımıstani de zaf serdıno.

Sukê (Bacarê) Gırdi:

• 1. Buenos Aires, Nıfus: 2,776,138
• 2. Córdoba, Nıfus: 1,513,200
• 3. Rosario, Nıfus: 1,295,100
• 4. Mendoza, Nıfus: 1,009,100
• 5. La Plata, Nıfus: 857,800

Suka Buenos Airesi zaf raver şiya. Tede banê xeylê berzi estê. Buenos Aires bacarê dewizio, paytextê borsao, merkezê iqtısadê Arcantinio.

[bıvurne] Nıfus

Nıfusê Arcantini 38 milyono. Zaf mıxtelıf mılleti tede cewiyenê. Şarê Ewropa (Portekizi, İsponyoli, İtalyani u Fransızi) tede zafê. Dinê Arcantini İsewitina/Xrıstiyanina u mezhebê mılletê Arcantini ki Katolikiya. Taê Musewiy u Mısılmani ki estê. Zıwano xoyo resmi İspanyolkio. Taê ki İtalyanki qısey kenê. Nuskar u wendoğê xo zaf niyê.

[bıvurne] İqtısad

İqtısadê Arcantini zaf qewetın niyo. Zaf mıntıqey peyser mendê, labelê taê mıntıqey ki raver şiyê. Hetê endustriye, maden u ziraeti zaf hewlo. İqtısadê Arcantini zaf krizi diyê. Enflasyon u deflasyon zaf zerar do iqtısadê Arcantini.

[bıvurne] Spor

Futbolê Arcantini zaf qewetıno. Taxımê Arcantinê mılliye dı (2) kupey dınya guretê.

[bıvurne] Çımey

• Coğrafya Arcantini
• Xerita Arcantini

	Dewletê Amerika
Arcantin • Bahama • Barbados • Beliz • Brezilya • Bolivya • Cameika • Cumhuriyetê Dominiki • Amerika • Dominika • El Salvador • Ekvador • Haiti • Honduras • Grenada • Guatemala • Guyana • Kanada • Kolombiya • Kosta Rika • Kuba • Meksika • Nikaragua • Panama • Paraguay • Peru • Puorto Riko • Suriname  Şili • Trinidad u Tobago • Uruguay • Venezuela