Unibersidad de San Carlos
Gikan sa Wikipedia, ang gawasnong ensayklopedya
- Alang sa unibersidad nga may samang ngalan apan nahimutang sa Guatemala, tan-awa ang Unibersidad de San Carlos (Guatemala).
Ang Unibersidad de San Carlos (USC) sa Dakbayan sa Sugbo maoy labing daang tulunghaan sa Pilipinas ug sa Asya. Kini natukod sa tuig 1595, ug nahimong unibersidad sa tuig 1948.
Kini natukod isip Colegio de San Ildefonso sa mga Katsilang Heswita P. Antonio Sedeno, Pedro Chirino ug Antonio Pereira kaniadtong Agosto 1, 1595. Busa ang maong tulunghaan mas karaan pa kay sa Unibersidad de Santo Tomas (1611) sa Manila ug Unibersidad sa Harvard (1636) sa Estados Unidos. Kini misera sa tuig 1769 dihang ang mga Heswita gipapauli sa Espanya.
Sa tuig 1783 kini giablihan pagbalik ubos sa paninguha ni Obispo Mateo Joaquin de Arevalo, ginamit ang ngalang Colegio-Seminario de San Carlos. Sa tuig 1852 ang pagdumala sa kolehiyo gihatag ngadto sa mga Dominikano. Sa tuig 1867 ang pagdumala sa maong tulunghaan nabalhin na usab ngadto mga paring Lazarist (Vincentian). Tuig 1935 na dihang napunta kini sa kasamtangang nagdumala nga mao ang mga sakop sa Societies Verbi Divini (Society of the Divine Word).
Ang Ikaduhang Gubat Kalibotanon nakapaurong sa mga kurso sa tuig 1941, ug pipila sa mga edipisyo sa eskuylahan nangaguba. Ang pagpangabli sa lainlaing faculty nahitabo sa tuig 1945 ug 1946.
Ang kolehiyo-seminaryo sa San Carlos naghambin sa iyang kasamtangang ngalan sukad sa tuig 1948.
Ang kasamtangang pamuno mao si P. Roderick C. Salazar. Ang Board of Trustees gilingkoran ni Jesus N. Alcordo.
[usba] Tan-awa usab
- Sentro sa Pagtuong Sinugboanon
