Tugdual

Diwar Wikipedia, an holloueziadur digor

Labour zo d'ober c'hoazh a-raok peurechuiñ ar pennad-mañ. Ma fell deoc'h reiñ un tamm skoazell, krogit e-barzh. Mar karfec'h reiñ hoc'h ali ha netra ken, grit 'ta e pajenn ar gaozeadenn.

Ur sant katolik hag unan eus ar seizh sant diazezer enoret e Breizh eo sant Tugdual.

Taolenn

1 Ar richenn
2 Stummoù ha deveradurioù
- 2.1 E vuhez
3 Gouel
- 3.1 Lec'hioù
- 3.2 Liammoù diavaez

[kemmañ] Ar richenn

Ganet e oa, a greder, e Domnonea en Enez Vreizh. Mab e vije bet da santez Koupaia. Tugdual (kammskrivadur degemeret gant an Iliz) pe Tudwal a oa, gant sant Budog, diskibl da sant Vaodez war Enez-Vaodez e kichen Enez-Vriad. Erruet e oa bet e Breizh war-dro 535.

[kemmañ] Stummoù ha deveradurioù

Unan eus ar stummoù kozh a zo Tutgual hag ar stumm orin a c'hell bezañ Tudwal. Tugdual zo ur c'hammskrivadur degemeret gant an Iliz, ma n'eo ket gant ar yezhourien.

[kemmañ] E vuhez

Hervez ar manac'h Gourdisten, a skrivas war-dro 880 goude Jezuz-Krist en abati Landevenneg, Tugdual a oa unan eus ar pevar feulvan a reas brasted Bro-Gerne : Gradlon, sant Kaourintin, sant Gwenole, hag uheloc'h c'hoazh egeto, Tudual. Diarvar, ez eo bet unan eus brasañ avielerien Bro-Gerne er VI-vet kantved goude Jezuz-Krist, dreist-holl e Bro ar C'hab, en ul lodenn eus ar vro Vigoudenn hag e bro Gemper.

E benitioù a zo skignet dre holl en douaroù-se. Marteze eo Tudual a savas ivez manati Lokmaria-Kemper a oa moarvat e penn-kentañ eskopti Kemper. E beniti e Lann-Pabu (bremañ Trebabu) hag e levezon war Vro-Dreger a ra anezhañ unan eus brasañ sent an eskopti a-vremañ.

Mervel a reas e Landreger d'an 30 a viz Kerzu 564.

Sant paeron Treger eo. Skeudennet e vez gant un aerouant.

[kemmañ] Gouel

Lidet e veze gwechall sant Tudwal d'an 30 a viz Du, ha bremañ d'ar 1^añ a viz Kerzu

[kemmañ] Lec'hioù

E Kembre emañ e anv
- en inizi Sant Tudwal, tost da Abersoch, e Ledenez Llŷn
- en anv meur a briñs, evel Tutgual map Rhun

Meur a anv a zo bet roet dezhañ e Breizh:

- Tudual, Tudal, Tual, alese an anvioù parrezioù:
  - Landudal, e Kerne
  - Sant-Tudal, e Bro-Gwened

- Tudi, alese anvioù
  - parrez Loktudi,
  - hini Enez Tudi
  - Porzh-Tudi, en enez Groe

- Pabu ha Paban hag alese
  - Parrezioù Pabu e Treger ha Sant-Pabu e Leon
  - Lababan (e Pouldreuzig)

- Douarnenez a c'hellfe dont diwar Enez Tutuarn.

[kemmañ] Liammoù diavaez

Early British Kingdoms: St. Tugdual

See also ebooksgratis.com: no banners, no cookies, totally FREE.

Tugdual

Diwar Wikipedia, an holloueziadur digor

Taolenn

[kemmañ] Ar richenn

[kemmañ] Stummoù ha deveradurioù

[kemmañ] E vuhez

[kemmañ] Gouel

[kemmañ] Lec'hioù

[kemmañ] Liammoù diavaez

Views

Merdeiñ

Kemer perzh

Klask

E yezhoù all