Treveur (sant)
Diwar Wikipedia, an holloueziadur digor
Treveur a oa ur priñs, hervez ar vojenn, a oa mab da santez Trifin (pe Trifina), merc’h kont Gwened, ha da Gonveur (Conomor), kont Domnonea, er VIvet kantved. Hemañ, war zigarez ober e renkoù er vro, a lazhas e wreg hag a glaskas lazhañ e vab ivez. Gant sant Gweltaz e vije bet saveteet Treveur, a voe badezet gant ar sant ha desavet gantañ en e vanati e Rewiz. Un devezh, e dad en em gavas gant ar bugel hag a droc’has dezhañ e benn. Abalamour da se eo kemeret e-giz merzher ha diskouezet e vez alies e stumm ur paotr yaouank o tougen e benn.
Enoret e vez sant Treveur e meur a lec’h e Breizh : ilizoù zo war e anv e Karaez, e Kerglof hag e Kamlez, ha chapelioù e meur a gumun all, evel ar Gelveneg, Kledenn-ar-C'hab, Plougastell, Gwerliskin, Sant-Trifin, Bubri, Langedig, ar Sent.
Taolenn |
[kemmañ] Anv-badez
D’an 8 a viz Du emañ gouel sant Treveur. Pedet e vez ouzh ar boan benn. Dont a rafe e anv eus trec'h ha meur. Ar stumm Tremeur a gaver alies er skridoù gallek.
[kemmañ] Er yezhoù all
[kemmañ] Levrlennadur
- Roger Gargadenneg, Contes du Cap Sizun, Maisonneuve, 1977 (la légende de saint They et de saint Tremeur, p. 191)
- Bernard Tanguy, Le culte de saint Gildas, sainte Trifine et saint Trémeur, Mémoires de la société d'histoire et d'archéologie de Bretagne, Tome LXXXIII, 2005
[kemmañ] Liammoù diavaez
- Istor sant Treveur (e galleg)
- Istor sant Treveur, santez Trifin ha Konveur (e galleg)
