Simpsons
Diwar Wikipedia, an holloueziadur digor
Ar Simpsons a zo un dresadenn-vev amerikan bet krouet e 1989 gant Matt Groening. Skignet oa bet ar wezh kentañ war ar rouedad Fox. Skignet eo bet ar wezh kentañ e Frañs ar 15 a viz Kerzu 1990 war Canal plus, ha da heul war France 3.
Taolenn |
[kemmañ] Orin
Dindan ur stumm all e oa bet ganet ar familh Simpson e penn-kentañ. Dizoloet hon eus anezho er vandenn treset "Ur Vuhez en Ifern" (Life in Hell). Da heul eo deuet ivez da vezañ un arvest gant Tracey Ullman.
[kemmañ] Istor
Divizet o deus an aozerien lakaat ar Simpsoned da vevañ e Springfield, abalamour d'an niver bras a gerioù anvet mod-se en Amerika. Ar Simpsoned a zo ur flemmskeudenn eus ur familh skouer amerikan. Levezonet eo bet kalz Matt Groening gant e familh dezhañ evit livañ pep tudenn ar familh Simpson. Aliesig e teu war-wel ar mems temoù en dresadenn-vev-mañ : c'hoantegezh, gwarizi, liperezh, relijion gant kalz a fent bepred. Rebechet e vez gant tud zo hudurezh ar rummad-mañ, met kalz finoc'h eo evit pezh a c'heller soñjal da gentañ. Daveoù sinema, sonerezh e-leizh a gaver enni. Skoachet int mui pe vui en dekor. Deoc'h da furchal ha da vezañ aketus. An dresadenn a zo dibar. Melen emañ an holl tudennoù, pezh a c'hell souezhañ da gentañ tout. Eeun emañ ivez an dresadenn.
[kemmañ] Sonerezh
Savet eo bet sonerezh ar Simpsons gant Danny Elfman (bet savet gantañ sonerezh Nightmare Before Christmas, Edward Scissorhands, Charlie and the Chocolate Factory...)
[kemmañ] Ar familh Simpson
- Homer Jay Simpson : an tad eo. Lart, kazi moal, bleup ha c'hoanteg anezhañ. Pezh a blij ar muiañ dezhañ a zo lonkañ bier Duff, donuts ha kig morc'h rostet. Chef ar surentez eo e kreizenn nukleel Springfield.
- Marge Simpson : e wreg. Gwelet e vez a-bell gant he fezh-mell choukroutenn a-us d'he fenn. An hini sioulañ er familh memes ma c'hoarvez dezhi koll he skiant vat ur wezh an amzer.
- Bartholomew Jo-Jo Simpson (Bart) : ar mab, 10 vloaz anezhañ a zo ur paotr amzesk, met tenner e galon daoust d'e velzerezhioù niverus. Ha plijout a ra dezhañ ar minorelezhioù, ne vern pe re. Heuliañ a ra aketus troioù-kaer Krusty ar furlukin ha Radioactive man.
- Elisabeth Marie Simpson (Lisa Simpson) : c'hoar Bart, 8 bloaz, a zo ur gwir plac'h a ijin. Seniñ a ra bombard saoz. Ideelerez, e fellfe dezhi kaout ar peoc'h er bed a-bezh. He huñvre kaerañ a zo perc'hennañ ur poney hag ober Priñsez anezhi
- Homer Simpson (en) Homer Simpson free wallpapers
(war ober c'hoazh)
