জর্জ ৱাকার বুশ
মুক্ত বিশ্বকোষ উইকিপিডিয়াত্ত
জর্জ ৱাকার বুশ (জুলাই ৬, মারি ১৯৪৬) তিলপারাষ্ট্রর এপাগার বারো দেশহানর ৪৩তম ডাঙরিয়া রাষ্ট্রমাপুগ। গিরক মারি ২০০০ বারো মারি ২০০৪র রাষ্ট্রমাপু বাসানিত রিপাবলিকান দলর মনোনয়নল শিংনা দিয়া জিংল অহাত্ত দেশহানর ডান্ডি করানিত কাহিলতা জানুয়ারী ২০, মারি ২০০১ত্ত। গিরক রাষ্ট্রমাপুগ অনার আগে টেক্সাসর ৪৬তম গর্ভরনরগ আসিল মারি ১৯৯৫-২০০০ বারো তা তিলপারাষ্ট্রর আগেকার রাষ্ট্রমাপু ডাঙরিয়া জর্জ হারবার্ট ৱাকার বুশ গিরকর জেঠা পিতকগ। গিরকর মানকর নাঙহান বারবারা বুশ।
বুশ গিরক তার আপা-বপার থৌর ব্যবসাত হমাসিল অহাত্ত মারি ১৯৭৮-এ তিলপারাষ্ট্রর হাউস অব রিপ্রেজেন্টেটিভসর মা সদস্য আগ অনার শিঙনা দিয়াউ জিঙে নুৱারিসিল। পিসেদে গিরকে টেক্সাস রেঞ্জার বুলতারা বেসবল দলহানর মাপু আগ অইল রাজনীতিত আলথক ইয়া টেক্সাসর গর্ভনরগ অনার শিঙনাত লামানির আগে। তা মারি ১৯৮৪ত আন রিচার্ডস গিরকরে জিঙিয়া টেক্সাসর গর্ভনরগ ইল। গিরক মারি ২০০০ত রাষ্ট্রমাপু বাসানিত রিপাবলিকান দলর মনোনয়নল শিংনা দিয়া জিংল, অহাত গিরকে দেশহানর জনপ্রিয় ভোটে নাজিঙিয়াউ ইলেক্ট্ররাল ভোটে জিঙিয়া পদফাম এহাত কাহিল।
গিরকে রাষ্ট্রমাপুগ ইয়া $১.৩ ত্রিলিয়ন কর কাপানি বারো কোন সৌ পিছে বেলানি নাইব নীতির থৌতাল দিল বারো সামাজিক রক্ষনশীল নীতির গজে জুর দিল যেসাদে খানি সৌ-বাগানি থানেই নীতি, লহঙ কালকরানির আইন চুমকরা, বারো দলা দালানগর মা লিচেত বারো সম্প্রদায়র গজে থালগ দিয়াসি থৌরাঙর কাফাম। সেপ্টেম্বর ১১, ২০০১র আক্রমনর পিসে অক্টোবর, ২০০১ মারিত বুশ গিরকে বিশ্বর আতঙ্কবাদ লেইমাঙ করানির কাজে লালফামর মইপঙগ রুহিল বারো আফগানিস্তানর গজে যুদ্ধ করিয়া দেশ অহান তালেবানরাঙত কারুনানি, আলকায়দারে তুমিল করানি, লমিতেগা বিন লাদেনরে ধরানির য়্যাথাঙ দিল। মারি ২০০৩র মার্চ মাহাত ইরাক দখল করানির আদেশ দিলতা ইরাকে জাতি সংঘর নিরপত্তা শিংলুপর ফরমান ১৪৪১ লেইলেক (অবজ্ঞা) করতারা বুলিয়া বারো যুদ্ধ অহান তিলপারাষ্ট্ররে কালকরানির কজে নায়া নার বুলিয়া মাতল।[১][২]
[পতিক] পাসিতা
- ↑ মার্চ ১৮, ২০০৩ রাষ্ট্র মাপুগর চিঠি. Whitehouse.gov. পাসিলাঙতা মে ২৫, মারি ২০০৬.
- ↑ পাৱেল, কলিন (ফেব্রুয়ারী ৫, ২০০৩). জাতি সংঘর নিরাপত্তা শিংলুপে তিলপারাষ্ট্রর স্বরাষ্ট্র মন্ত্রী কলিন পাৱেল গিরকর ভাষন. Whitehouse.gov. পাসিলাঙতা মে ২৫, মারি ২০০৬.
[পতিক] বারেদের লগে মিলাপ
সংজ্ঞা, উইকিনারি হানাত্ত
লেরিক, উইকিলেরিক হানাত্ত
উক্তি, উইকিউক্তি হানাত্ত
রচনা চারুক, উইকসোর্স হানাত্ত
ছবি বারো মিডিয়া, কমন্স হানাত্ত
পৌ, উইকিপৌ হানাত্ত
উইকিবিশ্ববিদ্যালয়ত্ত
- দলা দালানগর সরকারী ৱেবসাইটহান
- দলা দালানগর সরকারী জীবনচরিতহান
- রিপাবলিকান দলর থৌরাঙে জীবনচরিতহান
- নিকলাস ডি. ক্রিস্টফর ইকরা রাষ্ট্রমাপুগর চুমসেত জীবনচরিতহান
- হারপিয়া ভোটদিক
- মিলার সেন্টার অফ পাবলিক এফেয়ার্সেত্ত জর্জ ৱাকার বুশ গিরকর দীঘল জীবনচরিতহান বারো বাট্টিকরে হাব্বি মন্ত্রী, মুঙ বেয়াপাগ গিথানকর জীবনচরিত
| পূর্বসূরী: বিল ক্লিনটন |
তিলপারাষ্ট্রর রাষ্ট্রমাপু জানুয়ারী ২০, মারি ২০০১ত্ত- এবাকা পেয়া |
উত্তরসূরী: - |
|
ওয়াশিংটন • অ্যাডাম্স • জেফারসন • ম্যাডিসন • মন্রো • কুইন্সি এডাম্স • জ্যাক্সন • ভ্যান বিউরেন • উইলিয়াম হ্যারিসন • টাইলার • পোক • টেইলার • ফিলমোর • পিয়ের্স • বিউকানান • লিংকন • এ জনসন • গ্রান্ট • হেইজ • গারফিল্ড • আর্থার • ক্লিভল্যান্ড • বেঞ্জামিন হ্যারিসন • ক্লিভ্ল্যান্ড • ম্যাকিনলি • টি রুজভেল্ট • ট্যাফ্ট • উইলসন • হার্ডিং • কুলিজ • হুভার • এফ রুজভেল্ট • ট্রুম্যান • আইজেনহাওয়ার • কেনেডি • এল জনসন • নিক্সন • ফোর্ড • কার্টার • রেগান • জর্জ বুশ • ক্লিনটন • জর্জ ৱাকার বুশ |
|
 |
এহান তিলপারাষ্ট্রর বারে ইকরিসি বাট্টি নিবন্ধহান। উইকিপিডিয়া এহান চাঙখল করানিরকা বাট্টি নিবন্ধহান লইকরানিত তি পাঙকরে পারর। |
