Zuaweziaga
Aus Wikipedia
 |
Der Àrtikl is im Dialekt „Obaboarisch“ gschriem worn. | |
A Zuaweziaga is a optischs Gerät, des oam Sachan, de weid weg han, näha herziagt. S'fachlich richtige Wort dafia is bei da Photographie as Teleobjektiv, da Jaga nimmt a Fernglasl, de oidn Seefahra a Fernrohr und d'Sterngucker a Teleskop dafia.
Inhaltsverzeichnis |
[dro werkln] Teleobjektiv
Olle Objektive, dern Brennweitn länga is ois d'Normalbrennweiten (schaug bei Photographie) han Zuaweziaga.
[dro werkln] Fernrohr & Teleskop
A Fernrohr hod vorn a Objektiv (des ko a a Objektiv vo am Photoapparat sei) und hint a Okular zum neischaung. Do steht s'Buidl dann auf'm Kopf, aussa s'gibt weidane Bauteile, de as Buidl wiada aufrichtn.
[dro werkln] Zuaweziaga mit Linsn
Bei de Fachleit hoassn de Zuaweziaga, deren Vagrässerung duach de Brechung vom Licht an de Luft-Glas-Iabageng vo Linsn dasteht Refraktoren. A wenn des weidan andane optische Bauteile vawendt wern, z.B. spiegelnde Prismen zum Aufrichtn vom Buidl, bleims Refraktoren.
[dro werkln] Zuaweziaga mit Spiegl
Wenn'd Vagrässerung vo am gwölbtn Spiegl kummt, nennt ma des a Spiegelteleskop oda an Reflektor. De hom trotzdem a Linsn eibaut, vor allm fias Okular. Große Spiegl san oafacha und billiga zum baun ois große Linsn, des weidan han'd Probleme mit Farbsäumen an de Kantn vom Motiv ned so groß.
[dro werkln] Fernglasl
Bei Fernglasl (oda a Gucka gnennt) baut ma zwoa Fernrohre nebanand, dann ko ma mit beide Aung gleichzeitig schaung. Fernglasl hom meistns Prismen eibaut, de s'Buidl richtig rum drahn. Fernglasl hom meist a a schwächane Vagreßerung ois a Fernrohr. Durch de Prismen ling de Objektive weida ausanand ois'd Aung, des huifd beim räumlichn Seng.
