Stuggart
Aus Wikipedia
| Stuggart |
|
| Wåppn | Kårtn |
|---|---|
 |
 |
| Basisdàtn | |
| Bundeslònd: | Bådn-Württmberg |
| Regiarungsbezirk: | Stuggart |
| Lòndkroas: | Stådtkreis |
| Koordinàtn: | Koordinaten: 48° 47′ N, 9° 11′ O 48° 47′ N, 9° 11′ O |
| Hèh: | 245 m ü. NN |
| Flächn: | 207,36 km² |
| Eiwohna: | 594.970 (31. März 2007) |
| Bevèikarungsdichtn: | 2869 Eiwohna pro km² |
| Postleitzòihn: | 70173–70619 (òid: 7000) |
| Vorwòih: | 0711 |
| Kfz-Kennzeicha: | S |
| Gmoaschlissl: | 08 1 11 000 |
| Stådtgliadarung: | 23 Stådtbezirke mit 149 Stådtteiln |
| Adress vo da Stådtvawòitung: |
Marktplatz 1 70173 Stuttgart |
| Webseitn: | |
| Politik | |
| Obaburgamoasta: | Wolfgang Schuster - |
Stuggart (Hochdaitsch: Stuttgart, Schwäbisch Schduagert) is d Hauptstådt vo Bådn-Württmberg. Stuggart is mid 590.000 Eiwohna de gräßte Ståd vo Bådn-Württmberg und nåch Minga de zwoatgräßte Stådt vo Siaddaitschlånd und de sechstgräßte Stådt vo gånz Daitschlånd. D'Agglomeration vo Stuggart håt ungfäa 2,6 Millionan Einwohna.
Inhaltsverzeichnis |
[dro werkln] Geogràfie
Stuggart liegt am Nesenbach, der im Zentrum untaiadisch und beim Stådttåi Bad Cannstatt in da Neggoa einifließt. Stuggart håt vüi Greanflöchn, im Westn vo da Stådt san des Wöida, im Ostn Weinbeag und im Süd'n Kraatföida. Im Noadn und am Neggoa is Stuggart fåst duachgehnd bebaat. Vom Schlossplatz im Zentrum bis zum Neggoa geht a riesiga Poak, da Schlossgarten. Da tiefste Punkt vo Stuggart is bei 207 m ü. NN am Neggoa und da heggste Punkt bei 549m ü. NN am Aadobåhnkraiz vo da A8 und da A81.
[dro werkln] Gschicht
Stuggart is ungfäa 950 n. Chr. vom schwäbischn Herzog Liutolf g'gründet und 1219 von de bådischn Markgråfn zua Stådt erhom woadn. Dånåch ham d'württmbergischn Gråfn d'Herrschåft übanomman und Stuggart håt sich dann zua Residenz- und Hauptstådt vo Württmberg entwicklt. Nåch'm Zwoadn Wöitkriag håm si Baden, Württmberg und Hohnzollan 1952 zum Bundesland Bådn-Württmberg zsammgschlossn und Stuggart is d'Hauptstådt gwoadn.
[dro werkln] Wås ma si åschaa soit
Da Middlpunkt vo Stuggart buildt da Schlossplatz mit'm Oidn Schloss aus da Renaissance und'm Nain Schloss aus da Bårockzeit. Dahinda is d'evangelisch Stiftskirchn im gotischn Stil. Üba da Stådt thront da Fernsehturm, dea 1954-55 baud woadn und da easte woa, wo aus Bedo gmåchd woadn is. Übahaabt is in Stuggart vüi aus Bedo baud woadn. Voa åim ham's in Stuggart nåch'm Kriag vüi åide Haisa åbgrissn, aa wenn's nua leichde Schädn ghåbt håm, und naie Gebaide aus Bedo hibaat. Zum Beispüi san vom åidn Råthaas im flämischn Stil no d'Mauan gståndn, ma håt's aba åbgrissn und a nais aus Bedo higstöit.
In Stuggart håt's au vui Museen. Die bekåanntestn san füa d'Kunst d' Staatsgalerie und 's Kunstmuseum, füa d'Vöigakunde 's Lindenmuseum und füa d'Nåduakunde 's Rosensteinmuseum und 's Löwentormuseum.
[dro werkln] Wirtschaft
Stuggart is a wichtiga Industrieståndoat. A wichtige Rolln spuid d'Automobilindustrie (Mercedes, Porsche) und Elektroindustrie (Bosch). Außerdem san in Stuggart aa no vüi Valåg dåhoam.
[dro werkln] Vaånståitungen
's Cannstatter Volksfest im Herbst is des zwoatgräßte Volksfest nåch da Wiesn. Außerdem gibt's im Frühling no's Stuttgarter Frühlingsfest. Beide findens auf'm Cannstatter Wasen statt.
Da Stuggarta Weihnachtsmarkt is da gräßte Christkindlmarkt vo da Wöit mit üba 3 Millionan Bsucha, von dena einige aus'm någlengnan Auslånd (Frånkreich, Schweiz, Ösdarreich, Italien) kimman.
