Obstla
Aus Wikipedia
 |
Der Àrtikl is im Dialekt „Owaöstareichisch“ gschriem worn. | |
A Obstla oda Obstbraund is a Schnops und zwoa a klora. A Obstla wiad aus vaschiedene Fricht heagstööd, zum Beispü Öpfi, Birnen, Keasch, Kriachal und Zwetschga. De Fricht wern zerst gmaischt und daun losst mas gäan. Daun wiad duach a Destillation ("Schnopsbrenna") de Spirituosn heagstööd.
D'Qualität vu am Obstla hängt vu de vawendetn Fricht oo. S'Obst soit grod optimal reif sei und a guads und typischs Aroma hom. Umso siaßa s'Obst um so mea Alkohoi geht aus eam aussa. Umbedingt vameidn soit ma dass am Obst nu Eadn, Gros oda Blätschn drauhängan und dass unreife, faule oda goa vaschümmite Fricht dabei san. A guada Obstla hod um de 40% Alkohoighoit.
In Obstla kau ma zwoa aa in am jedn Supamoakt kauffa, oba eigntli is da Obstla in Bauandöifi da typische Sööba-moch-Schnops.
