Niadaöstareich
Aus Wikipedia
| Niadaöstareich | |
 |
|
| Laundesflaggn | Laundeswåppm |
|---|---|
 |
 |
| S' Wichtigste | |
| Laundeshauptstådt: | Saunkt Pötn |
| Greßte Stådt: | Saunkt Pötn |
| ISO 3166-2: | AT-3 |
| Homepage: | www.noe.gv.at |
| Politik | |
| Laundeshauptmau: | Erwin Pröll (ÖVP) |
| Regierende Patein: | ÖVP |
| Sitzverteulung im Laundtåg (56 Sitz): | ÖVP 31 SPÖ 19 Greane 4 FPÖ 2 |
| letzte Woih: | 30. Mäaz 2003 |
| nächste Woih: | 2008 |
| Bevökarung | |
| Eiwohner: | 1.545.804 (15. Mai 2001) |
| – Raung: | 2. vo 9 |
| Bevölkerungsdichtn: | 81 Eiwohner/km² |
| Geografie | |
| Flächn: | 19.177,78 km² |
| Geografische Låge: | 47° 25' - 49° 1' n. Br. 14° 27' - 17° 4' ö. L. |
| Ausdehnung: | Noad-Süd: 178 km West-Ost: 196 km |
| Hechsta Punkt: | 2.076 m (Schnähberg) |
| Tiafsta Punkt: | 139 m (Gemeinde Beag) |
| Vawoitungsgliedarung | |
| Beziake: | 4 Statutarstädte 21 Beziake |
| G'richtsbeziake: | 32 |
| Gemeindn: | 573 |
Niadaöstareich oda à Niedaöstareich ist ans vo de nein Bundeslända vo Östarreich (oida Naum: Eazheazogtum Östareich unta da Enns). Nach da Flächn is es greßte, noch da Eiwohnazoih es zweitgreßte Bundeslaund. Es grenzt im Noaden aun de Tschechei, im Noadosten aun de Slowakei, im Südosten auns Burgnlaund, im Süden an die Steiamoak und im Westen an Obaöstareich. Es umschliaßt des Laund Wean, des wås bis 1922 zu Niedaöstareich ghert håt. Niedaöstareich und das Nåchbabundeslaund Obaöstareich san zaumm de Keanlända vom Ståt Östareich.
Saunkt Pötn ist durch a Voiksåbstimmung seit 1986 Laundeshauptstådt vo Niedaöstareich. Davur woa die Laundesregiearung und da Beaumtnapparat in Wean untabråcht.
Inhaltsverzeichnis |
[dro werkln] Geografie
Niedaöstareich is mit 19.177,78 es flächnmäßig greßte Bundeslaund vo Östareich. Es is laundschaftlich in Viadln eiteut: es Weiviadl und es Woidviadl nöadlich, es Mostviadl und es Industrieviadl/Thermenregion südlich vo da Donau. Die Viadln weisen geografisch a vollkommen untaschiedliche Struktur auf. Daweu 's im Mostviadl de Ausläufa vo de Koikoipen mit Berg um de 2.000 m gibt, ist es Woidviadl hauptsächlich a Granitplateau. Im Noadosten liegt das higlige Weiviadl, des ins flåche Moachföd åfoit und südlich vo da Donau es Weana Beckn.
Niedaöstareich grenzt auf ana Läng vo 414 km aun de Nåchbalända Tschechei und Slowakei, und is es Bundesland mit da zweitlängstn Außngrenz.
Trennt wern de Viadln in westöstlicha Richtung vo da Donau, in Noad-Süd-Richtung vom Manhartsberg und im Weanawoid mit da Theamenlinie.
Vorlage:NOe-Viertel
[dro werkln] Beag
- Schnähbeag (Klosterwåppm; 2.076 m)
- Rax (Scheibwoidhechn; 1.943 m; hechste Eahebung: Heikuppm; 2.007 m – Steiamoak)
- Ötscha (1.893 m)
- Diansta (1.878 m)
- Hochkoa (1.808 m)
- Hochwechsl (1.743 m)
- Großa Peusta]] (1.061 m)
- Hocheck (1.036 m)
- Eibl (1.007 m)
[dro werkln] Oipmübagäng
- Semmaring (985 m)
- Wechsl (980 m)
[dro werkln] Flüss
Niedaöstareich wird fåst ausa gaunza üba de Donau entwässat. Da anzige Fluss, der sein Åfluss üba de Moidau und de Elbe in de Noadsee håt, is de Lainsitz im Woidviadl.
De wichtigstn Flüss nöadlich vo da Donau san da Kamp, de Krems, de Lainsitz, de Maach und de Thaya. Südlich vo da Donau san’s de Enns, de Ybbs, da Ealauf, de Mök, de Traisn, de Schwechat, de Fischa]], de Schwaza und de Leitha.
[dro werkln] Seen
- Stausee Ottensta (4,3 km²)
- Lunza See (0,69 km²)
- Ealaufsee (etwa zua Höftn in Niedaöstareich gleng; 0,56 km²)
[dro werkln] Flächnvateulung
| Kuituaoart | Flächn in km² | % vo da Gesaumtflächn |
|---|---|---|
| Åckerlaund | 7.000 | 42 |
| Woid | 6.711 | 40 |
| Wiesn | 1.750 | 11 |
| Oiman und Weidn | 300 | 1,7 |
| Weigäatn | 315 | 1,9 |
[dro werkln] Bevökarung
| Bevökarungs- entwicklung |
|
|---|---|
| Datum | Eiwohna |
| um 1527 | 500.000 |
| um 1600 | 580.000 |
| um 1700 | 630.000 |
| 1754 | 922.000 |
| 1780 | 974.000 |
| 1790 | 1.000.000 |
| 1794/1795 | 1.028.300 |
| 1810 | 1.040.700 |
| 1821 | 1.142.600 |
| 1830 | 881.500 |
| 1840 | 896.600 |
| 1850 | 976.600 |
| 1857 | 987.900 |
| 1869 | 1.077.232 |
| 1880 | 1.152.767 |
| 1890 | 1.213.471 |
| 1900 | 1.310.506 |
| 1910 | 1.425.238 |
| 1923 | 1.426.885 |
| 1934 | 1.446.675 |
| 1939 | 1.455.329 |
| 1951 | 1.400.471 |
| 1961 | 1.374.012 |
| 1971 | 1.420.816 |
| 1981 | 1.427.849 |
| 1991 | 1.479.187 |
| 2001 | 1.542.574 |
| 2004 | 1.563.872 |
De Bevökarung nimmt in de zentraln Gebiete im Umlaund vo Wean laufend zua, teuweis duach Zuazug aus’m städtischn Bereich, åber a duach Zuazug aus de periphean Gebiete, zum Beispü aus’m Woidviadl oder de Raundgebiete vom Weiviadl, de teulweis a Problemgebiete aum Oaweitsmoakt san. Seit Saunkt Pötn de Laundeshauptstådt is, is a duat a stärkare Zuawaundarung feststöboa. Weu in sensible Gebiete wia-r-im Weanawoid durch’n Zuazug de Gfoah vo ana Zasiedlung besteht, wern laufend restriktivare Måßnauhmen in da Raumurdnungspolitik festglegt.
Der Ausländeraunteu is, gmessn aun gaunz Östareich, mit 6,3 % untaduachschnittlich.
[dro werkln] Religion
Im Joahr 2001 woan 79,3 % vo de Bewohner römisch-katholisch, 3,3 % protestantisch mit 60 Kiachn in 27 Pfoan, 3,2 % islamisch und 10,8 % konfessionslos.
[dro werkln] Politik
De politische Laundschåft im niedaöstareichischen Bundeslaund wird seit 1945 – meistns a duach a åbsolute Meaheit – vo da ÖVP dominiat, de seitdem in Laundeshauptmau stöht. Deazeit is da Erwin Pröll Laundeshauptmau. A auf Gemeindeebane hoit de ÖVP eine stoake Meaheit, sodåss de Buagamasta vuawiegend zua ÖVP g’hean. Zweitstäakste politische Kråft is de SPÖ.
In der Easchtn Republik woa Niedaöstareich in via Woikreise aufteut und håt 60 Abgeoadnetensitz im Weana Parlament ghåbt. 1932 san de Woikreise auf åcht eahöht wuan und de Abgeoadnetensitz auf 56 varingat.
In da heitign Zweitn Republik san im niedaöstareichischn Laundtåg via Patein vatretn:
- (Staund:2003)
Die Laundesregierung setzt si zaumm aus’m Laundeshauptmau, seine zwa Stövatreta und sechs Regiarungsmitglieda, de Laundesrät gnaunnt wean. De Patein entsenden de Mitglieda vo da Laundesregiarung nåch’m Vahötnis vo de eareichtn Wölastimman. Daher san - obwoi de ÖVP mit åbsoluta Meaheit regiat - a SPÖ-Mitglieda in da Laundesregiarung vatretn.
In Bundesråt entsendt es Bundeslaund 12 Mandatare; davo ghean siebane der ÖVP, viare der SPÖ und ans denan Greanan.
Im Nationalråt ist de ÖVP mit 17, de SPÖ mit 13, de FPÖ und de Greanan mit je 2 Mandatare vatretn (Staund 2005).
[dro werkln] Vawoitung
Niedaöstareich is in 21 Vawoitungsbeziake und 4 Statutarstädte gliedat. Seit da letzten Gemeinderefoam vo 1970 und a poa klanare Ändarungen gibt’s 573 Gemeinden.
Da Sitz vo da niedaöstareichischen Landesregierung is seit 1986 die Laundeshauptstådt Saunkt Pötn. Sein Sitz in Wean håt Niedaöstareich bis 1996 im Laundhaus in der Heangåssn im easchtn Beziak ghåbt. Davua håt’s a laundesweide Voiksåbstimmung üwa de so gnaunnte Hauptstådtfråg ge’m.
Zua gleichn Zeit mit da Übasiedlung vo da Lanudesregiarung nach St. Pötn is a a Vawoitungsrefoam eigleit wuan, de a a Dezentralisiarung vo de Behöadn bedeit håt und ma de anzlnan Vawoitungsstön näa in de anzlnan Laundesviadln bei anzlne Beziakshauptmauschåftn augsiedlt håt.
[dro werkln] Statutarstädte
- Krems
- Saunkt Pölten
- Waidhofm aun der Ybbs
- Wiena Nistådt(1194 noch Lösegödzohlung der Engländer fürn Richard Löwenherz gegründet von Herzog Leopoid V. gegründet wordn)
