Landgreis Bad Däiz-Woifradshausn

Aus Wikipedia

Der Àrtikl is im Dialekt „Obaboarisch“ gschriem worn.

Wappen	Karte
Basisdatn
Bundesland:	Baian
Bezirk:	Obabaian
Verwoidungssitz:	Däiz
Flächn:	1.110,67 km²
Einwohna:	120.557 (30. Septemba 2005)
Bevöikerungsdichtn:	109 Einwohna bro km²
Kfz-Kennzoacha:	TÖL
Kreisschlüssel:	09 1 73
Kreisgliedarung:	21 Gmoandn
Adress vo da Kreisverwaltung:	Prof.-Max-Lange-Platz 1 83646 Bad Tölz
Offizielle Webseidn:	www.lra-toelz.de
Politig
Landrat:	Manfred Nagler (CSU)
Karte

Da Landgreis Däiz-Wolfratshausn liegt im Südn vo Obabaian. D'Nachbarn san im Nordn da Landgreis Minga, im Ostn da Landgreis Miasbach und im Westn de Landgreis Gamisch-Patnkiacha, Weilheim-Schogau und Starnbeag. Im Südn grenzt as estareichische Bundesland Tiroi an den Landgreis.

Inhaltsverzeichnis 1 Geografischs 2 Wappen 3 Historisch's 4 Städt und Gmoandn 5 Wiadschafd

[dro werkln] Geografischs

Da Landgreis gheart zur Region Obaland und werd durch de Flusstäler vo da Isar und da Loisach sowie vo vui Seen prägt. Er umfasst sowoi alpins ois a voralpines Gländ. Der Schafreuter im Karwendel is mit seine 2.100 m da hächste Berg im Landgreis.

[dro werkln] Wappen

D' Offizielle Bschreibung vom 24. Februar 1974: Das Wappen verbindet das Wappen des früheren Landkreises Bad-Tölz mit dem Wolfratshausener Löwen.

[dro werkln] Historisch's

As Gebiet vom heitign Landgreis Däiz-Woifradshausn ghearrt zum historischn Bestandteil vo Baian. 1803 san im heitign Greisgebiet de Landgerichtsbezirke Däiz und Woifradshausn bilt worn. Sie hom ab 1808 zum Isargreis (Hauptstadt Minga), ab 1838 zu Obabaian gheart.

1862 is aus am Landgerichtsbzirk Däiz as gleichnamige Bezirksamt erricht worn. Da Landgerichtsbzirk Woifradshausn is znächst am Bezirksamt Minga rechts da Isar, ab 1879/80 am Bzirksamt Minga II zuateilt worn. Letzters is 1902 aufglöst worn. Danach is as Bzirksamt Woifradshausn entståndn. De zwoa Bzirksämter Däiz und Woifradshausn san ab 1939 als Landgreise bzeichnet worn.

Bei da Gebietsreform in Bayern 1972 is da Landgreis Däiz und der greaßte Teil vo am Landgreis Woifradshausn zum neien Landgreis Däiz vereinigt worn. A bår Gmoandn vo am Landgreis Woifradshausn han an de Landgreise Minga, Starnbeag und Miasbach ogliadad woan. Am 1. Mai 1973 hod da neie Landgreis Däiz sei heutig Bzeichnung Landkreis Bad Tölz-Wolfratshausen griagt.

[dro werkln] Städt und Gmoandn

Städt Däiz (17.613) Geretsriad (23.320) Woifradshausn (17.450) Verwaltungsgmoanschaften Benediktbaian(Barn) (Gmoandn Barn und Biche) Koche am See (Gmoandn Koche a.See und Schlehdoaf) Reichschsbaian (Gmoandn Greiling, Reichschsbaian und Sachsnkam) Gmoafreie Gbiet (7,99 km², in beidn wohnt koana) Pupplinger Au (3,72 km²) Woifradshausna Forst (4,27 km²)

Gmoandn Heilbrunn (3.740) Benediktbaian (3.477) Biche (2.073) Dietramszäi (5.282) Egling (5.186) Euraschburg (4.274) Goaßa (3.029) Greiling (1.400) Icking (3.592) Jachna (892) Koche am See (4.168) Kingsdoaf (2.925) Lenggrias (9.499) Minsing (4.172) Reichschsbaian (2.172) Sachsnkam (1.228) Schlehdoaf (1.216) Wackerschberg (3.517)

(Einwohnazoin vom 30. Juni 2005)

[dro werkln] Wiadschafd

De Einkommansteierkraft je Einwohna hod im Jahr 2004 a Hech vo 329 Euro ghobd (Bundesdurchschnitt 216 Euro). De Kaufkraft je Einwohna im Jahr 2005 wår 9.761 Euro (Bundesdurchschnitt 8.523).