Gmeinschaft vo de Portugiesischsprechadn Lända
Aus Wikipedia
 |
Der Àrtikl is im Dialekt „Rengschburgarisch“ gschriem worn. | |
Bild:CPLP flag.svg Flagge |
|
  |
|
| Mitgliadstaatn vo da Gmeinschaft vo de Portugiesischsprechadn Lända | Angola, Brasilien, Guinea-Bissau, Kap Verde, Mosambik, Osttimor, Portugal, São Tomé und Príncipe |
| Amtssprach | Portugiesisch |
| Sitz | Lissabon |
| Generalsekretär | Luís de Matos Monteiro da Fonseca |
| Fläche | 10.742.000 km² |
| Bevölkerung | 223 Millionen |
| Gründung | 1996 |
D'Gmeinschaft vo de Portugiesischsprechadn Lända (Comunidade dos Países de Língua Portuguesa oder CPLP) is a multilaterals Forum für Freindschaft und Zsammenarbeit unta de portugiesischsprechadn Länder. D'Mitgliadstaatn sand Portugal und ehemalige Kolonien vo Portugal. In alle Mitgliadstaatn is Portugiesisch Amtssprach.
Inhaltsverzeichnis |
[dro werkln] Mitgliada
Angola
Die CPLP is im Jahr 1996 durch de siem Länder Angola, Brasilien, Guinea-Bissau, Kap Verde, Mosambik, Portugal und São Tomé und Príncipe gründt worn. Nach da Unabhängigkeit vo Indonesien im Jahr 2002 is a Osttimor da Gmeinschaft beitredn. Am 13. Juli 2007 hot Äquatorialguinea Portugiesisch als ane vo seine Amtssprachn ognomma, um in grauma Zeit emfalls beitren zu kenna.
D'Mitgliadstaatn ham zammen mehr als 223 Millionen Bwohner und umfassn a Fläch vo 10.742.000 Quadratkilometa, a bissl greaßa als d'USA oda Kanada is.
[dro werkln] Beobachtastatus
In a bår ehemalige Kolonien vo Portugal san Kreolsprachn entstandn, de ausm Portugiesischn hervorgånga san. Seit 2006 ham Äquatorialguinea und Mauritius an Status vo am Beobachta inne. A Marokko strebt des o.
Macao war bis 1999 a portugiesische Überseeprovinz und no heit is Portugiesisch ane vo de Amtssprachn. Wei Macao etz a Sonderverwaltungszone vo China is, håd d'Volksrepublik 2006 um an Beobachterstatus bädn.
[dro werkln] D'Gemeinschaft
D'Gemeinschaft bfindt se im Afbau, wei se is a Organisation vo Lända, de voneinander sehr wenig wissen und "nur" durch a gmeinsame Sprach vabundn han, wohingeng große Entfernungn und kulturelle Untaschiede de acht Staaten, de af verschiedne Kontinentn liang, trenna.
Seit ihra Gründung hot d'CPLP in Guinea-Bissau und São Tomé und Príncipe bei da Übawindung vo innare Krisn nach Staatsstreich' gholfn und hot d'Einführung vo politische und wirtschaftliche Reformn untastützt. Oane darüber hinaus vo de Kapverden vorgschlangne gmeinschaftliche Staatsbürgaschaft is jedoch vo Portugal (indirekt a vo Brasilien) vorerst abglehnt worn.
Die CPLP hot ihrn Sitz in Lissabon, wo a Generalsekretär alle zwoa Jahr gwählt werd. D'notwendign Finanzmittel stelln greaßtnteils d'acht Mitgliadsstaatn.
Obwohl portugiesischsprechad, is Mosambik nebn da CPLP gleichzeitig a am Commonwealth of Nations beitredn.
[dro werkln] Anwärter af a Mitgliadschaft
Da d'galicische Sprach vo ville als a Dialekt vo da portugiesischen Sprache gsehen wird, gibs in Galicien Bmühungen, da CPLP beizutreten. Jüngstn Aussang zufolg håd se de Kulturbeauftragte vo da Xunta de Galicia für an Beitritt ausgsprochn.
[dro werkln] Siehe auch
Jogos da Lusofonia
